Dumi ng Politiko
Gusto kong maglingkod sa mga mamamayan
Lalong-lalo na sa kabataan
Gagawa ako ng mga programa
Na para sa kaginhawaan nila.
Kaya pumayag na maging ka-partido
Ng isang malaking grupo ng politiko
Tiyak raw ang aking panalo
Kung sa kanila ako ay maging myembro
Sa simula ay okay naman
Humingi lang sila ng aking pangalan
Dapat daw mamahalin ng bayan
Yong tipong hindi makakalimutan
Ginawa ko ang aking mga plataporma
Listahan ng aking magiging programa
Kung sakaling akoy palarin
Na magserbisyo sa barangay namin.
Araw ng halalan ay palapit nang palapit
Dumi ng politiko ay kumakapit
Ang kapartido ay nagmungkahi
Upang siguradong magwawagi
Kung gusto ko raw na ako’y mapili
Boto ng tao ay kailangan mabili
Hindi ako sumang-ayon
Ngunit ang umiwas ay di solusyon
Sila ang bumili ng boto, hindi ako
Sila ang mga manloloko
Ngunit ako ay kanilang nagamit
Sakim sa kapangyarihan, kanilang nakamit
Ilang ligo man ang aking gagawin
Dumi ng politiko ay nasa akin parin
Hindi ito ang aking hangarin
Simula palang, napasama na rin.