"Kape"
Photo source : Pixabay
Pampagising sa umagang malamig
Galing sa tulog na napakahimbing
Hinihila pa ng unan at higaan
Di nais na ako pa ay pakawalan
Ang init mo ang nagpapagising sa umaga
Inaalis ang antok na nasa mga mata
Nanunuot ang init sa aking kalamnan
Pinupunan ang tiyan kong walang laman
Barako, 3 in 1, o maging cappuccino
Kahit anong klaseng "Kape" walang sinasanto
Matanggal lang ang antok na meron ako
Di, alintana kung ilang baso ang nainom ko
Sa tuwing nagsusunog ng kilay, kinakailangan kita
Matanggal lang ang antok na aking nadarama
Matapos ang proyekto at araling nakatambak
"Kape" ang kasangga para matapos ang nakaimbak
Maraming Salamat sa Pagbasa (Thank you for Reading!)
Nawa'y naantig at naaliw kayo sa mumunting tulang aking orihinal na nilathala. Kung may komento, opinyon o may reaksyon man kayo, wag kayong mag atubiling i-reply sa post na ito. Ako'y lubos ang galak na makita ang mga iyon.