KRUE SEUMANGAT..
Syedara loen ban sigoem donja..
Padit malam teuk geutanjoe seubagoe ummat Islam akan tapeulewat saboeh malam nibak buleun Sya'ban thon njoe, na keuh nibak teungoh bulennjoe geukheun deungon Nisfu Sya'ban.
Teuman pu atra keulebehan malam njan?, djinoe akan uloen tuwan cuba siepreuk habanjoe keu mandum syedara ban sigoem donja.
Malam Nisfu Sya'ban nakeuh malam njang akan geupeuteunte saboh buku amalan geutanjoe maseng bermaseng uleh Malaikat untuk si thoen njang ka ulikoet njoe dan akan neu peu ek keuhadapan Allah 'Azza wajalla untuk geupareksa pukeuh thoen njoe geutanjoe rhoeh dalam golongan njang Sa'adah atawa Syakawwah, seumpama saboeh raport nibak sikula aleuh ta ikoet ujian akhe, pukeuh ek glah atawa ek Glok.
Teuman pu njang geuanjurkan nibak malamnjan bagi geutanjoe seubagoe hamba Allah?. Le geutanjoe geuyu beu le ber 'ibadat nibak malamnjan, cuntoh beut surah yassin 3 goe troeh, seumbahjang sunnah tasbih, dan Munajah nibak Allah beu geusampoeh sigala dausa dalam buku raport njan deungoen ta roe ie mata seuereuta Ikhlas.
InsyaAllah neupeuampoen.
Bit cit meunan, na 3 droe golongan hamba njang hana murumpoek ampunan nibak Allah bak malam nisfu Sya'ban, ureung njan adalah :
Ureung peu syarikat Allah SWT deungoen sesuatu njang laen ( Syirek )
Ureung njan meu amai ileume SIHEE
Ureung njan peuputoeh SILATURRAHIM deungon syedara
Mudah mudahan geutanjoe hana jitamoeng dalam 3 golongan njoe dan beu murumpoek ampunan dari Allah SWT bak malam nisfu Sya'ban kalinjoe.
Wallahu A'lam Bissawab.
