18 + ( ၁၈နှစ်ပြည့်မှ ဖတ်ရန် )
( ၁ )
ဂျပန်လက်ကျန်ဗုံးခွံကို
ကျောင်းတက်ခေါင်းလောင်း လုပ်ထားတဲ့
စာသင်ကျောင်းမှာ ကြီးပြင်းလာတယ်
အမြောက်ဆံအခွံကို
ဘုရားပန်းအိုး ထိုးနေရတဲ့နိုင်ငံမှာ
လူဖြစ်လာတယ်
ဒီကဗျာထဲ
မြေမြုပ်မိုင်းတွေ ထည့်မြုပ်ထားတယ် ။
( ၂ )
ကချင်ပြည်နယ်မှာ ယမ်းငွေ့ဝေချိန်ဆို
ရှုခင်းသိပ်လှတာ
ရခိုင် ဒုက္ခသည်စခန်းတွေ တိုးချဲ့ရဦးမယ်
ကရင်နီကလေးတွေ စာမတတ်တဲ့ကိစ္စဟာ
သိပ် အရေးမပါဘူး
ဘိန်းစိုက်ဖို့ ဘွဲ့မှ မလိုတာ
" ပွင့်တဲ့ပန်းတွေ ရနံ့မမွှေးမှတော့
ယမ်းနံ့တွေ ရဲရဲရှုလိုက်ကြ "
( ၃ )
မနောပွဲမှာကခုန်ဖူးတဲ့ လက်ကလေးလည်း
ဓါးနဲ့ခုတ်ရင် ပြတ်တာပဲ
ဝါးညှပ်အက အလှပြတဲ့ ခြေထောက်လည်း
မြေမြုပ်မိုင်းနင်းရင် ပြတ်တာပဲ
ဒုံးယိမ်းကတဲ့ ခန္ဓာကိုယ်မှာ
ကျည်ရာဗရပွနဲ့
ဒီဖက် စစ်သင်္ချိုင်းမှာလည်း
ပူပူနွေးနွေးမုဆိုးမနဲ့
နေ့စေ့လစေ့ဗိုက်ကြီးသည် ငိုချင်းချနေတယ်
ကောင်လေးကြည့်ရသလောက်
" သူ့အဖေ တိုက်ပွဲကျတာကို
စာမေးပွဲကျသလို ပြန်ဖြေခွင့်ရမယ်ထင်နေပုံပဲ"
ကောင်လေးမှာ
ညညဖက်အိပ်စရာ အဖေမရှိတော့ဘူး
အားကိုးရာမရှိတဲ့အခါ
စစ်သည်ကောင်းတံဆိပ်လည်း ဖက်ထားလို့မရ ။
( ၄ )
သွေးချင်းတို့မြေတွေက
သွေးစွန်းလို့ပေနေရ
အပစ်အခတ်ရပ်စဲရေးစာချုပ်ဆိုတာ
အိမ်သာသုံးစက္ကူစုတ်ပဲ
ပြည်တွင်းစစ်ဟာ နာတာရှည်ရောဂါ
'တိုင်းရင်းသား စည်းလုံးညီညွှတ်ရေး' ဆိုပြီး
သေနတ်ပြောင်းတွေ ခေါင်းကို ထိုးချိန်နေကြ
အိုးမဲမသုတ်ပဲ
အိမ်ကြက်ချင်း အားပါးတရခွပ်နေကြ
ခြေပြတ် လက်ပြတ် ဦးခေါင်းပြတ်တွေနဲ့
စစ်သင်္ချိုင်းကလဒတွေဟာ
ဇာတ်တူသားစားပြီး ဝဖြိုးလို့ ။
( ၅ )
ပြည်တွင်းစစ်ဟာ
ဘိုးဘွားပိုင် အမွေအနှစ်တစ်ခုလိုမျိုး
၁…နေရာယူ
၂…အဆင်သင့်
၃…ကျည်ဆံထည့်
၎…မောင်းချိန်
၅…ဝပ်
၆… အပစ်အခတ်ရပ်စဲရေး လက်မှတ်ထိုး
၇…ပစ်နိုင်ပြီ
အဲ့ဒီလို လည်နေတဲ့သံသရာထဲ
" ငါ့အဖေငယ်ငယ်က တိုက်တဲ့ပွဲ
ငါကြီးတဲ့အထိ ကျည်ဆန်မစဲသေးဘူး "
( ၆ )
ခေတ်ကကြမ်းတယ်
ငြိမ်းချမ်းရေး ဒီရေတောမစိုက်သရွေ့
စစ်ကမ်းပါး ပြိုနေမယ်
ပြည်သူဟာ
ဘယ်ပထွေးကို အဖေခေါ်ရ
ဘယ်အဖေကို ကံကြီးထိုက်ရမလဲ
စစ်တစ်ပင် စိုက်လိုက်တိုင်း
ဗုံးသီးတွေ သီးလို့ သေပန်းတွေ ပွင့်ကြ
မင်း ရန်သူဟာ
သူ့အမေအတွက် သားတစ်ယောက်ဖြစ်ပြီး
သူ့ရန်သူဟာ
မင်းမိခင်ရဲ့သားတစ်ယောက်ဖြစ်တယ်
" ဘယ်သူ သေသေ မမာနိုင်တာ အမေတွေ "
( ၇ )
ဖွတ် မိကျောင်းဖြစ်တာသိတယ်
ထိုင်ငိုနေရုံနဲ့ ဧရာဝတီဟာ ချမ်းသာမလာဘူး
ငြင်းခုံနေရုံနဲ့ ပြည်သူဟာ ကျန်းမာမလာဘူး
အမြောက်ဆံအခွံကို
ဘုရားပန်းအိုး ထိုးနေရတဲ့နိုင်ငံသားမို့
ဂျပန်လက်ကျန်ဗုံးခွံကို
ကျောင်းတက်ခေါင်းလောင်းလုပ်ထားတဲ့
စာသင်ကျောင်းထွက် ကဗျာရေးသူမို့
ဒီကဗျာထဲ
မြေမြုပ်မိုင်းပဲ ထည့်မြုပ်နိုင်တယ် ။
( ၈ )
" သင် ၁၈နှစ်ပြည့်ပြီလား
၁၈နှစ်ပြည့်ပြည့် မပြည့်ပြည့်
တပ်မတော်ရော သောင်းကျန်းသူပါ
သင့်ကို အလိုရှိနေတယ် "
ဆန်းကျော်စွာဝင်း
Copy#
#crd
