Pichhar chuke kisi series mein waapsi karne ke liye jo jo cheeze chahiye hai, wo sav kuch hi hai Virat & Company ke paas, kehna hai former West Indies Captain Clive Lloyd ka. Unke hisaab se, itna accha mauka nahi mil sakta Team India ko counter attack karne ke liye.
Kis liye yeh baat kar rahe hai Lloyd? Unka kehna hai, “Dikhawati khel khel kar koi bhi Test nahi jeet ja sakta. Zarurat padne par Ugly Cricket bhi khelna chahiye. Ugly Cricket matlav Unfair Cricket nahi. Ugly Cricket matlab Body se ball rokh kar crease par khare rehna aur apne upar bharosa rakh kar apna natural khel khelte jana. Jaise Edgbaston Test ke dono innings mein khel kar dikhaya Virat Kohli ne. Agar uska koi saath de kar crease par khara reh jata tab ye match pakka India ke pocket mein hota.”
Sirf Clive Lloyd hi nahi Kumar Sangakkara ka bhi sochna hai, Virat ke saath saath kisi aur ko bhi run karna parega India ke taraf se. Sangakkara ka kehna hai, “Ajinkya Rahane ne first innings pe acche khel rahe the lekin Ben Stokes ke attack pe aate hi focus gawa kar wicket de baithe. Indian batting ko chal hi parega jo impossible nahi hai.”
Sirf Lloyd aur Sangakkara hi nahi unke saath saath the Sourav Ganguly aur Harbhajan Singh bhi. Ek book ke launching event pe aake Current Cricket Series aur Future of Test Series ke baare discuss kiya yeh 4 Cricket Icons ne. Yeh event tha Boria Majumdar ki book ‘Eleven Gods and A Billion Indians’ ki lauching ka.
Lloyd aur Sangakkara ke saath saath Sourav aur Harbhajan ka bhi kehna hai, Virat ki Team India waapsi zarur karegi. Lekin Sourav ka kehna hai, Test Cricket mein bar bar Playing XI mein changes karna se Players ki performance mein girawat aa rahi hai. Ganguly maante hai, KL Rahul ko lagatar khilana chahiye. Yehi cheeze team ki consistency ko behtar kar sakti hai. Koi bhi accha captain apne team mein bar bar changes nahi karta. Koi player agar accha na khel paaye toh uspe bharosa karna chahiye naaki usse change karna. Iss cheez ko lekar sochna chahiye Virat Kohli ko.
Clive Lloyd ne kaha, Test Cricket ki crisis ko rokhne ke liye kuch karna chahiye ICC ko. Kya karna chahiye? Lloyd ka kehna hai, “Chris Gayle jaise players Test Cricket na khel kar alag alag desh mein ja kar T20 Leagues khel rahe hai. Yeh ban karna parega ICC ko. Test Cricket bachane ke liye Players ki match fees barani chahiye ICC ko. Afghanistan ke Rashid Khan ek Test khel kar jo Fees paate hai, usse kahin zyada milta hai IPL khel kar. To koi player desh ke liye bhala Test Cricket khelna hi kyun? Khel sakte hai, agar ICC players ke match fees barade toh.”