ယနေ. ဖတ်မိတဲ့စာ
=====================
ခရီးသည်တွေရဲ့အသက်ကိုလျော်ကြေးပေးရင်
ပြီးမယ်ဆိုပြီးမှန်ကွဲလို့ကွင်းကိုပြန်ဆင်းရလို့
ကုန်ကျတဲ့စရိတ်ကြောင့်လေယာဉ်မှုးမှာအပြစ်ရှိတယ်လို့
သတ်မှတ်ကြတဲ့အုပ်ချုပ်မှုစနစ်ဟာဝမ်းနည်းစရာပဲ။
ကိုယ့်ကြောင့်မဟုတ်ပဲ system error ကြောင့်
ဖြစ်ရတဲ့အဖြစ်တွက်ကိုယ့်မှာအပြစ်ရှိတယ်ဆို
တရားမျှတမှုဆိုတာဘယ်မှာလဲ။
လေယာဉ်မှန်ကွဲကြီးနဲ့ပြန်မောင်းလာရအောင်
Super Man တွေမှမဟုတ်ကြပဲ…
ခရီးသည်တွေကရော…ပြန်လိုက်ကြမယ်ထင်လို့လား။
ကားမှောက်ရင်ရထားတိုက်ရင်သင်္ဘောမြုပ်ရင်
လူအကောင်လိုက်ချက်ခြင်းပြန်သင်္ဂြိုလ်ခွင့်ရှိတယ်
လေယာဉ်ဆိုတာပျက်ကျရင်အစအနပြန်ရဖို့
ကြာရှည်ခက်ခဲတဲ့အထဲကလေယာဉ်မောင်းတဲ့သူတွေရဲ့
လက်ထဲအစအနမပျောက်ရေးတို့အရေးပဲ။
လေယာဉ်မှန်ကွဲရက်နဲ့ရန်ကုန်ထိမောင်းရမယ်ဆိုပြီး
ကုန်ကျစရိတ်တွေတွက်ချက်နေတာ
ဉာဏ်တုံးသူတွေရဲ့အရေးမပါတဲ့ဆုံးဖြတ်ချက်။
လူ့အသက်ထက်အရေးကြီးတာ
လေကြောင်းလိုင်းပိုင်ရှင်သူဌေးအားရဖို့လား
ခရီးသည် ၄၂ ယောက်အတွက်
ကိုယ်ကျိုးစွန့်လွှတ်ဖို့ထိုက်တန်ရဲ့လား။
နောက်ဒီလိုအဖြစ်မျိုးအတွက်
ရွေးချယ်ခွင့်ရှားပါးလာအောင်လုပ်ကြတာမျိုး
သူရဲကောင်းမှတ်တမ်းဝင်စရာလိုလို့လား။
သေချင်သေ…ရှင်ချင်ရှင်
အဓိက…ကိုယ့်အလုပ်မထိခိုက်ဖို့
ဒါဆိုကိုယ်တွေလေယာဉ်စီးပြီးခရီးထွက်ဖို့
အသက်တွေသာဖက်နဲ့ထုပ်ထားကြပေတော့ပဲ။
ပုံစံခွက်တွေနဲ့အုပ်ချုပ်မင်းမူနေကြသူတွေ
မျက်လုံးတွေလည်းဖွင့်ကြပါ…နားတွေလည်းစွင့်ကြပါ
အမှန်ကိုမမြင်နိုင်တဲ့အတ္တမိုးတိမ်တွေဖြိုချလိုက်ကြပါ
လူ့အသက်ထက်အရေးကြီးတာဘာမှမရှိဘူး
လူ့အသက်ထက်တန်ဖိုးကြီးတာဘာမှမရှိဘူး…လို့
သူ့ရဲ့သတ္တိနဲ့ယှဉ်တဲ့ဆုံးဖြတ်ချက်နဲ့
လေယာဉ်မှုးကြီးကမီးမောင်းထိုးပြလိုက်တာပဲ……
ဒါပေမယ့် နောက်ဆုံးမှာတော့
အခုတော့ မှားတယ်တဲ့ ဘာမှားမှန်းတော့
ကျွန်တော်လည်းမသိပါဘူး
ကျွန်တော့်ကိုရာထူးချလိုက်ပါပြီ။
ခရီးသည်တွေရဲ့အသက်က Captainတွေရဲ့
လက်ထဲမှာမရှိတော့ပါ။ စားပွဲမှာထိုင်နေသူတွေရဲ့
လက်ထဲရောက်သွားပြီ။ တဲ့
( လေယာဉ်မှူးကြီးမြင့်ဇော်ဦး )