Assalamu'alaikum ngoen-ngoen steemian, kali nyoe lon akan lon teumuleh dalam bahasa aceh, bacut meu beda ngoen awak gatanyoe neu maklumie mantoeng.
Uroe nyoe lon neuk ceurita masalah kupie weng atawa kupie kocok.
Kupi weng atawa kupi kocok yang biasa di peugot diwaroeng kupi na keuh kupi yang di jampue deungoen boh manok atawa boh itek.
Kupie weng na keuh kupie favorit di lingka aneuk muda dan ureung tuha, biasa jieh dijep untuk poding peu puleh stamina.
Di daerah pante barat aceh khusus jieh di aceh barat atawa yang sereng ta deungoe nan meulaboh, na keuh geu sebut nan kupie nyan adalah kupie kocok, teuma meunyoe daerah banda aceh ngoen daerah timu utara meunyoe hana salah geu sebot nan jieh kupi weng.
Walaupun sebutan nan kupie jieh meubeda, namun cara peugot dan bahan jieh sama.
Kupie weng atawa kupi kocok na keuh kupi yang di jampue dengoen boh manok atawa boh itek, cara peugeut jieh harus ta weng deungoen saboh alat weng, meunyoe hana alatnyan jeut ciet tapeugoet dengoen cara jameun yakni ta pakek sendok.
oleh diweng dijampu deungoen susu, leuh nyan tamah kupi, nyoe yang keumeung jampu deungon saka bisa ciet, nyan bandum teugantung bak selera ureung pesan kupie.
Meunyoe na ngoen-ngoen syedara syedara yang na niet untuk jep kupi weng, hana peu ragu le dum ta teumeu kupie weng di warong kupie.
Uroe nyoe lon pesan kupie weng di salah saboh waroeng yang na di bineh krueng ujoeng baroeh, leubeh jeulah jieh di duson manggis jurong durian to deungoen pajak eungkoet atawa yang sereng geu seubot TPI MEULABOH.
Lon peusan kupie Untuk peupuleh stamina seubab that teuga begadang lawet nyoe.
Eh noe keuh mantong ceurita dari lon seubab lon hana that jeut teumuleh dalam bahasa aceh, cuman neu maklumie mantoeng seubab nyoe phon lon teumuleh dalam bahasa aceh.
Lon tumuleh bahasa aceh kali nyoe na keuh sebagai tanda peuduli lon keu bahasa aceh seubab that le ka ureung jinoe rap tuwoe keu bahasa droe, wate meurumpok deungoen ngoen mantong kadang ka rap hana ta teumeu le yang mariet lam bahasa aceh tapi ka le pakek bahasa indonesia.
Lakee meu'ah nyoe na ureung yang hana meuphom deungon tulisan lon, sebab lon ureung daerah pante barat, bahasa kamoe inoe ciet ka lagee nyoe.
ma pakie...
