Yang Peugah Hana Peurle Peng Bak Steemit, Nyan Parte Jep Koyok

Asai gamba: https://www.pinterest.co.uk/pin/76490893650212083/

Pokoknya Tuwanku han meutume istirahat, teunguet sabe lawetnyo. Nyan katrok lom barita, na rakyat nyang peugah bak steemit hana peurle peng. Dipeugah teumuleh bak steemit keu hobi sagai, hana peurle peng. Ek tapateh? Awak gata nak pateh, pateh ju, Tuwanku piyoh dile. Di Amsterdam tajak sikula, nyan haba tajak pateh? Pr'eeeeeeet!

Asai gamba: http://www.netherlands-tourism.com/things-amsterdam-ultimate-top-50/

Nyo Tuwanku peugah bak gata, meunyo hana peurle peng bek tajak buka akun steemit. Rugo. Abeh wate, abeh teunaga hana meupu cap. Meunyo teumuleh keu hobi Tuwanku bi cara laen keu gata. Jeh keudeh bak pageu meulasah neujak teumuleh atawa bak es em es atawa beurangkapat jeut. Bek neutuleh bak steemit meunyo gata hana peurle peng. Anlheuhnyan lom, bak steemit pih na dipeugot tomboi inan, gata jeut pileh ri yang galak. Meunyo gata hana galak keu peng, gata jeut pileh decline hinan. Nyan baro tapateh.

Nyo ken, lage meujabak nyang peugah hana galak keu jabatan, tapi dijih bak kurusi nyan diduek hana diweh-weh. Dipeugah lom, lon han ek le kuduk bak jabatannyo, ka hek that, tapi kurusi nyan dium sabe. Ek tapateh? Meunyo hana galak cok nyan-nyan sipak keudeh lam pageu. Meunan baro aneuk agam.

Nyan na neutuken paken na ureung lageenyan? Nyan akibat teuga that dijep koyok. Padahai kalheuh dipeuingat le dokoter meunyo saket ule diyu tipek koyok bak ule, dijih kon meunan dipeubut. Tapi dicok koyoknyan dipaso lam ie su um, diboeh saka, dijep. Buet dipeubut. Nyan meunan sit, geujok ubat sirop le dokoter geuyu jep lheuh bu. Di jih dibalek, dicok ubat siropnyan diyu pleu bak rueng, dipike le jih balsem. Jeut keubut?

Nyan keuh meunan sit yang peugah hana galak cok peng bak steemit tapi wate tacek wallet dumjai ka peng dipeublo u blocktrades. Ek tapateh? Dak meudeh ka dipeugah han ditung peng, ya dijok keu gop manteng. Ka hana meuho joek, keuno keu Tuwanku neujok. Bek peugah meuno peubut meudeh.

Asai gamba: https://www.jd.id/product/hansaplast-koyo-panas-1-box-10-sachet_743863/10095399.html

Ureung geutanyo nyo gura. Bak steemit dipeulumah dro malem that. Sok han tueng peng. Padahai sit nyan dimita. Meu Tuwanku manteng nyang le peng, geumita sit peng bak steemit. Padahai Tuwanku Raja keupu lom peng. Tapi Tuwanku hana munaphek, phek, phek...

Kajeut meunan dile. Si Hive account@ned kaditalipun, sang kadimeudawa ngon si Hive account@dan.