Nədənsə Sara Jio imzası hər kəsə romantik müəllif təsiri aşılayır. Bu müəllifin adını çəkən kimi “sevgi romanımı?” reaksiyası gəlir. Halbuki Sara Jio yalnızca sevgini yazmır. Eyni zamanda bərkə boşa düşən, sınaqlar keçən sevgidən yazır. Yazarın ilk tanış olduğum romanı “Böyürtkənli qış” romanı oldu.
Romanın annotasiyası ilə çoxunuz tanışsınız. Bu səbəbdən mən sizə romanda müşahidə etdiyim sevgi münasibətlərini yazacam. İlk öncə jurnalistin –Kler Oldricin öz əri ilə olan sevgi münasibəti. Daha sonra roman boyu Oldric ailəsinin 3 nəsil başlarına gələn sevgi münasibətlərini izləyirik. Amma necə? Bu müşahidələrdə də xəyanət də var, yalan da. Hətta əsərin sonuna kimi həqiqətin tamam fərqli olacağını belə ağlımıza gətirmirik. Mən bu səbəbdən Sara Jio imzasını yalnız sabun operası tipində sevgi romanı yazan yazar hesab etmirəm. Bəlkə də axtarsaq daha çox dedektiv janrına aid də etmək olar.
Bu romanda hər şey var . Sevgi də, nifrət də , övladı itirmiş 3 ana da, yaşadığı dəhşətləri unutmağa çalışan qadınlar da... Daha nələr...
Bu romanda diqqətimi çəkən bir məqam da qəzetin ailə biznesi olması idi. Klerin işlədiyi redaksiya ərinin 3 nəsil ailə biznesidir.
Roman haqqında çox da müfəssəl məlumat vermək istəmirəm. Çox tövsiyə edərdim özünüz də oxuyasınız.