Marahil totoo nga na pinagbigyan lang ni boss Ian Mapagmahal 
Sisiw na sisiw lang para kay boss Ian ang naturang tagisan ng talino, sa tingin namin lahat ay hindi man lang siya nahirapan. Habang tumatagal din ay bumibilis silang lahat sa pag-type ng letra. Hindi talaga mapapantayan ang husay ng ating mga kalahok.
Ang ating mga regular na kalahok sa Pinoy Henyo ay kailanman hindi matutumbasan ng kahit na sino. Kaya naman nais ko silang pasalamatan, sa walang sawang paglahok sa ating Pinoy Henyo sa discord.
Linggo-linggo'y palagi silang nariyan upang makipagtagisan ng talino sa bawat isa. Hindi nila nakalilimutan ang Pinoy Henyo. Kaya laking pasasalamat ko sa kanila, kung hindi dahil sa kanila ay baka wala na ang nasabing laro sa discord. Bagama't kaunti lamang ang papremyo ay wala pa rin tigil ang kanilang suporta. Hindi nila inisip ang pera, bagkus ang kanilang pagnanais na malibang sa mga gabing iyon.
Nandito po ulit ako muli kayong inaanyayahan para sa darating na Pinoy Henyo mamayang gabi ika-10 ng gabi sa Philippines Discord.
PHILIPPINES DISCORD.
Pindutin lang ang link sa itaas, nang sa gayon ay makarating sa discord kung saan ginaganap ang nasabing tagisan ng talino. Halina't makisaya sa amin.
Ang samahang hindi mabubuwag kahit daanan pa ng isang milyong bagyo. Samahang lalong tumitibay sa hagupit ng tadhana. Pagkakaibigang nabuo sa gitna ng dalamhati, pighati at kaligayahan. Asahan mo na kahit may malakas na lindol ay nandiyan pa rin, mga taong pinagkatitiwalaan mo na sagad hanggang sa buto.
Luzon, Visayas at Mindanao ang tatlong islang naging saksi sa mga kadakilaan na ipinamalas ng ating mga kalahok. Batid ng mga isla na ang ating mga kalahok ay hindi padadaig ano mang sakuna ang dumating.
Kung may nais mang gustong mag-donate sa Pinoy Henyo ay mangyari lang po na iabot lang po sa'kin. Nang sa gayon ay mabigyan natin ang ating mga magigiting na kalahok na malaki-laking papremyo. Maraming salamat po.
Ito po ang inyong abang lingko na si 2K. Na nagsasabing mas nakatatakot ang Valentines Day kaysa sa Halloween. Maraming salamat po ulit. Hanggang sa muli paalam.
