ନୂଆଦିଲ୍ଲୀ (ଏଟିଆର ବ୍ୟୁରୋ):କ୍ରିକେଟର କେଏଲ ରାହୁଲଙ୍କ ସହିତ ସମ୍ପର୍କକୁ ନେଇ ମୁହଁ ଖୋଲିଲେ ବଲିଉଡ ଅଭିନେତା ସୁନୀଲ ସେଟ୍ଟୀଙ୍କ ଲାଡଲୀ ଆଥିୟା ଶେଟ୍ଟୀ । କେଏଲ ରାହୁଲଙ୍କ ଗୋଟେ ଫଟୋରେ ଆଥିୟା ଏଭଳି ଏକ କମେଣ୍ଟ ଦେଇଛନ୍ତି । ଯାହା ଦୁହିଁଙ୍କ ମଧ୍ୟରେ ଥିବା ସମ୍ପର୍କରେ ମୋହର ଲଗାଇ ଦେଇଛି । ପ୍ରକୃତରେ କିଛି ଦିନ ତଳେ କେଏଲ ରାହୁଲ ସାଙ୍ଗସାଥୀଙ୍କ ସହ ମିଶି ଭାକେସନ୍ ମନାଇଥିଲେ । ଏହି ଟୋଲିରେ ଆଥିୟା ଏବଂ ନିଧି ଅଗ୍ରୱାଲ ବି ସାମିଲ ଥିଲେ । ଏହି ଅବସରରେ କେଏଲ ରାହୁଲ ଆଥିୟାଙ୍କ ସହିତ ଟେଲିଫୋନ୍ ବୁଥ୍ ରେ ମସ୍ତି କରୁଥିବାର ଏକ ଫଟୋ ଇଂଷ୍ଟାଗ୍ରାମରେ ପୋଷ୍ଟ କରିଥିଲେ । ଏହି ଫଟୋକୁ ସେୟାର କରି ରାହୁଲ ଏକ କ୍ୟାପସନ୍ ଦେଇଥିଲେ । ଯାହାକୁ ନେଇ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ହୋଇଥିଲା । ଏମିତିକି ରାହୁଲ ଏବଂ ଆଥିୟାଙ୍କ ମଧ୍ୟ ପ୍ରେମ ଚାଲିଥିବାର ଖବର ମଧ୍ୟ ଶୁଣିବାକୁ ମିଳିଥିଲା । ମାତ ଏବେ ଉକ୍ତ ଫଟୋ ଉପରେ ଆଥିୟା କମେଣ୍ଟ କରି ସ୍ପଷ୍ଟ କରିଦେଇଛନ୍ତି ।
ଆଥିୟାଙ୍କ କମେଣ୍ଟ ପରେ ଏବେ ଜଣାପଡୁଛି କି କେଏଲ ରାହୁଲଙ୍କ ପ୍ରେମକୁ ଗ୍ରହଣ କରିଛନ୍ତି ଆଥିୟା । ଦୁହେଁ ପ୍ରେମ ସମ୍ପର୍କରେ ଯୋଡି ହେବା ଭରଷା ଯୋଗ୍ୟ କାରଣ କେଏଲ ରାହୁଲଙ୍କ ଫଟୋରେ ଆଥିୟାଙ୍କ ପିତା ସୁନୀଲ ସେଟ୍ଟୀ ପଜେଟିଭ୍ କମେଣ୍ଟ ଦେଇଥିଲେ । ଏହାସହିତ ଏକ ଇଂଟରଭ୍ୟୁରେ ସୁନୀଲ କହିଥିଲେ କି ଆଥିୟାଙ୍କ ଖୁସୀ ଦେଖି ମୋତେ ଭଲ ଲାଗୁଛି ।