Bitcoin Black Friday減價促銷

上次既文章同大家分析過$5700呢個位置係決定幣市未來方向既關鍵，而因為早排Bitcoin Cash硬方叉大戰同Bakkt延期呢2個消息既關係不幸地跌破左，幣價跌穿$5,700後失去支持開始free fall，一直跌到而家$4,000美元位置附近先開始見到啲支持。 咁到底之後幣市會何去何從呢？而家又係唔係一個適合既入市時機？我地可以睇下而家個chart係咩樣同RSI呢個技術指標有無啲咩啟示。

睇返Bitcoin個圖，RSI而家已經低過10，為兩年內最低，暗示短期內一定會有一個比較大既反彈，我認為至少有90%既可能會發生。形態黎講都好大機會係行緊一個下降楔形(Falling Wedge)既走勢，技術上黎講係一個Bullish既signal。

如果你覺得Bitcoin係一個bubble，咁不妨上網google睇下2000-2001年科網股泡沬爆破之後Amazon既股價表現，股價最高由$113跌到$5.97，可以話同而家啲細幣既跌幅不相伯仲，股票一樣可以跌得好甘，問題黎啦，而家Amazon係幾錢？係$1,500！最高仲去過$2,000。如果你當時$5買左就係300～400倍既回報，你果陣all in左又hold得住既而家就已經財務自由，而我係度寫得野當然係覺得同樣既投資回報好大機會會係Bitcoin上再次發生。如果你覺得呢個回報係吸引既，不妨考慮下分批入市，投資就實有風險架啦，問題係Risk/ Reward Ratio抵唔抵博，同埋往上既空間有幾大，而睇返市場情緒，大部分細幣都跌左九成同人人都嗌歸零既今日相信係最值得入市既時機，而歷史上所有價格既大型反彈同牛市起點都係係絕望既情緒中誕生。