Asai Gamba
Jadi bak malam uro raya nyo Tuwanku peu ingat gata mandum bek tajak peu abeh peng keu mareucon atawa bak hana-hana peurle. Bek wate nap eng bacut eumbong leumpah nana. Meunyo memang gata napeng leubeh, nyan beuna neu ingat keu aneuk yatim ngon ureung gasin. Neubantu ureungnyan ubebena mudah.
Beuna neu ingat kiban peudeh ureung gasin ngon aneuk yatim bak uro raya. Geutanyo jeut tapajoeh mangat-mangat pu yang galak, tajak keuno tajak keudeh. Nyan aneuk yatim hana soe kalen. Kadang meu baje uro raya hana so bloe. Meunan sit ureung gasin kadang meu breuh hana meupat.
Jadi gata-gata nyang na mudah raseuki neu peurati ureungnyan bacut. Kahana neuteume meuseudeukah bak buleun puasa, neu osaha bak uro raya nyo beuna bacut neubantu ureungnyan. Nyan keuh nyan nyang na tinggai keu amalan. Nyang laen sit kabeh jeut keu ek mandum.
Udep lam donya nyo geuyu meubantu-bantu. Wate na leubeh bak tanyoe tabanto gop, meunan sit wate leubeh bak gop dibantu geutanyo. Lam agama lageenyan geupeugah. Nyan haba peu ingat sagai dari Tuwanku. Keu neupeubut ngon han nyan urosan gata.
Nyan meunan ceuramah malamnyo nibak Tuwanku. Jadi Tuwanku bak malam uro raya nyo pih meulake meu’ah bak gata mandum, kadang na salah Tuwanku, neupeumeu’ah. Meunyo desya gata, meuseu na, nyan ka awai Tuwanku pemeu’ah.
Seulamat uro raya nibak Tuwanku Raja.
Posted from my blog with SteemPress : http://mitapeng.com/malam-uro-raya/