Nyo Karap Uro Raya, Jak Meu Meu'ah Meu'ah

Nyo hana trep le uro raya katroeh teuka. Meunyo hana salah bak Tuwanku bileung, uroe raya nakeuh bak uro Jumuat, teuman na sit yang meu uro raya bak uro hameh. Teuman nyan han ek tajak peuteupat. Pokokjih meu uro raya laju lage ban yakin menuroet ileume gata maseng-maseng. Yang bek, sampe bak uro raya pih kaneujak peugot dawa. Nyan meunan han seunang udep neuh. Sabe lam dawa.

Jadi nyo tapeugah ju lom peukara uro raya. Nyan sigolom uro raya, adat geutanyo di nanggroe na makmeugang. Nyan pih saboh adat yang got sit untoek geutanyo pajoh sie mangat sihat. Teuman adak jeut bek sithon du age tapajoh sie, tip-tip uro beuna sie yang paih. Teuman kahana tip uro kakeuh meumada bak makmeugang.

Asai gamba: http://ekonomi.akurat.co/id-44567-read-naik-lagi-harga-daging-sapi-tembus-rp-150000kg-jelang-lebaran

Teuman lage tapeugah malam baro, nyo yum esbede teungoh meu ade lheuh, meuprek-prek hana daya. Teuman kiban tanak peuget kalagenyan kada, teungoh wate. Kakeuh tasaba-saba dile. So teupu uro raya keudua ka diek lom yum. Jino kakeuh kap-kap igo ju dile siat. Yang bek putoh asa ngon sabab esbede. Leubeh got neumudoa nak bagah di ek yum esbede. Nak can rakyat stimit.

Nyan wate uro raya Tuwanku peu ingat lom gata mandum. Nyan tameujak-jak bak syedara. Bek tameuputoeh-putoeh sabe keudro. Buet meuputoeh ngon syedara nyan hana get. Geularang le agama. Hanjeut tanyo putoeh-putoeh ngen syedara, pu lom ngon syedara saboh ma saboh yah. Nyan tameuget-get ngon ureungnyan mandum.

Nyan meunan lheuh neuseumayang, nyang phon that neupeubuet nyang na ureung chiek, neujak sawe ureueng chiek dile, bek awai that neujak tajoe u rumoh bupati atawa camat. Sabab awaknyan pih na ureung chiek dih sit, bek awai neujak seutor muka gata keunan. Lheuh neujak bak ureung chiek neulake meu’ah desya, lheuhnyan bak syedara. Aleuhnyan hom terserah gata ho neutajo-neutajo laju hana peukara le.

Pokoknya bak uro raya nyan neujak silaturahmi bak syedara ngon rakan. Kadang baroken sabe lam pake. Kiban cara bak uro raya temeu meu’ah-meu’ah bek le na desya. Meunyo desya bak Tuhan mangat talake ampon sidro teuh. Tapi desya bak manusia nyan han keumah meunyo hana neujak lake meu’ah keudro langsong-langsong.

Asai gamba: https://www.youthmanual.com/post/life/how-to/3-alasan-penting-kenapa-kamu-perlu-memaafkan-dan-melupakan-sakit-hati

Sipu teuk Tuwanku peu ingat. Nyan zakeut pitrah bek na yang peu tuwe-tuwe dro peubangai-bangai dro. Jak laju u meulasah jak mita teungku imum jak joek hak pitrah keudro ngon keluarga dro. Meunyo na rencana nak boeh keu gop jeut sit, peugah dile bak ureungnyan ngon bak teungku imum di gampong.

Bakte Tuwanku kajeut meunan dile peuneugah nibak Tuwanku malamnyo. Nyo Tuwanku pih lake meu’ah bak gata mandum kadang na tuto yang hana pah. Kadang na gasa bacut atawa kreuh bacut. Nyan neupeumeu’ah peukateun Tuwanku Raja. Saleum dari Tuwanku dari Casablanca.