Magandang araw po sa lahat. Ito po muli ang inyong lingkod na si 
Lahat ng tao ay nataranta sa muling pagpasok ni Inspector Mark Sanchez. Siya ay natanggal sa trabaho dahil nag AWOL siya matapos mapaslang ang kaniyang asawa. Ngunit dahil sa sunod-sunod na krimeng nangyayari sa bayan ng San Rafael, walang choice si General Bato kundi ibalik siya sa serbisyo.
Sa wakas, nagbalik na ang pinaka-mabagsik na inspector na kinatatakutan ng mga kriminal. Siya ay binansagang "The Punisher" dahil wala ni isang kasong di niya na resolba. Lahat ng suspek ay napanagot niya sa batas, kahit ang mga pulitikong sangkot sa mga ilegal na gawain kanya naring napabagsak. Halos lahat ng oras niya ay nakalaan sa pag-iimbestiga at paghuli sa mga masasamg loob, dahilan ng pagkawala niya ng panahon sa kaniyang asawa. Hanggang sa nangyari na nga kay Elizabeth ang isang karumal-dumal na krimen.
"Makining kayong lahat sa akin! Lahat ng files na may kinalaman sa serial killer dalhin ninyo sa aking opisina ngayon din! At Frank, sumunod ka sa akin." utos ni Sanchez.
"Malinis ang pagkakagawa ng krimen Inspector, at kahit anong hanap ko tanging ang simbolo lang na iniwan ng killer ang naiwang bakas ng krimen." paglalahad ni Frank.
"Anong klaseng forensic expert ka! Wala kang silbi! Hindi ka uuwi ngayon hangga't di natin natatapos buklatin ang lahat ng files na nandito!” galit na sumbat ni Sanchez.
Inisa-isa nina Sanchez at Frank ang bawat pahina ng nakatambak na files na halos kasing-taas na nila. Hinimay-himay nila ang bawat detalye ng pangyayari, at ang mga taong involved sa mga krimen, hanggang nakagawa sila ng isang crime investigation board. Mag-aalas dose na ng gabi at wala parin silang makitang clue kung sino ang serial killer na pumatay sa kanyang asawa at lima pang mga tao sa kanilang bayan. Ina-analyze niya ang koneksyon ng bawat krimen at ang pattern na pwedeng mabuo mula rito.
- Una: Lahat ng pinapatay ay babae.
- Pangalawa: Nangyayari ang krimen sa tuwing kabilugan ng buwan.
- Pangatlo: Walang kinukuhang gamit ang killer, kaya malinaw na ang kanyang motibo ay tanging pagpaslang lamang gamit ang isang kutsilyo na isinaksak sa puso ng mga biktima.
- Pang-apat: Nag-iiwan ang killer ng simbolong walang nakaka-alam kung anong ibig sabihin sa crime scene.
- Panglima: Nagtatago siya sa katauhan ng isang lalakeng nakaitim, at may takip na maitim na hood sa mukha.
Alam ni Inspektor Sanchez na may kakaiba sa mga pangyayari at ito ang nais niyang tuklasin. At tinawag niya ang serial killer na "Black Hood".
Kinabukasan
"Tao po, Inspektor Sanchez po, at ang aking assistant na si Frank. Magbibigay lamang kami ng ilang katanungan hinggil sa pagkamatay ng inyong asawa." pagpapakilala ni Sanchez sa asawa ng biktimang pinaslang ni Black Hood kamakailan lang.
"Napakabait ng asawa kong si Rose. Wala akong maisip na taong nakaaway niya o di kaya'y krimen na nagawa niya. " paglalahad ng lalake habang humahagulgol sa iyak.
"May kakaiba ba kayong napansin bago mamatay ang inyong asawa?" tanong ni Sanchez.
"Bago siya pinaslang, nag-away kami dahil nalaman niyang may iba akong babae. Siguro nga kasalanan ko ang lahat ng nangyari. Pero pinapangako ko, wala akong kinalaman sa kaniyang pagkamatay." muling humagulgol ang lalaki.
Matapos ang napakaraming tanong at cross-examination, alam nilang hindi ito ang killer at tunay ang kanyang pagdadalamhati sa yumaong asawa.
Sa loob ng isang linggo, wala silang ginawa ni Frank kundi isa-isahing imbestigahan ang bawat pamilya ng mga biktima. Matapos ang huling bahay na pinuntahan nila, umuwi si Sanchez sa kanyang bahay at humagulgol ng iyak, pinagsusuntok ang dingding ng bahay at binasag ang mga gamit! Nang mahimas-masan ay kinuha niya ang larawan ni Elizabeth at kinausap ito.
"Elizabeth, mahal ko, patawarin mo ako sa lahat ng aking pagkakamali! Patawad, dahil ako'y nagtaksil sayo."
Kinabukasan
"Inspector, feeling better?"
"Wala akong panahon para magmukmok Frank, kailangan na nating mahuli si Black Hood. Alamin mo kung kailan ang susunod na kabilugan ng buwan, maghanda tayo sa kaniyang susunod na pagsalakay."
"Copy that, inspector."
Sa loob ng dalawang linggo, malalaman ni Inspector Sanchez kung tama ang kanyang teoryang sa tuwing kabilugan ng buwan umaatake ang Black Hood at kung ang lahat ng biktima ay maybahay ng mga lalaking makasalanan. Pinaghandaan niya ang araw na ito at sinanay ang kaniyang team ng husto sa paghawak ng baril at sa martial arts.
Sa kabilang dako
Nakatitig si Black Hood sa kaniyang susunod na biktima habang nakangiti. May pitong larawan sa kanyang dingding, at ang anim dito ay may nakamarkang pulang ekis. Kinuha niya ang pang-pitong litrato, at tinitigan itong mabuti.
"Ang ganda mo pa naman, Emily. Sayang ka, ang dapat sayo minamahal, hindi sinasaktan. Malalaman lang ng asawa mo ang halaga mo pag nawala ka na! Yan ang parusa ko sa mga lalaking walang puso, sa mga lalakeng taksil! Bwahahahaha!" umalingawngaw ang halakhak ni Black Hood sa buong kabahayan sabay ang pagbalik niya ng litrato ni Emily sa dingding gamit ang kanyang pocket knife.
"Malapit na tayong magkitang muli, Claire." sabay halik sa litrato ng yumaong kasintahan na nakaipit sa itim na libro.
Sa opisina
Binati ni Frank si Sanchez at iniabot ang isang note, na tila mula kay Black Hood.
Maligayang pagbabalik Inspector.
Alam ko ang bawat galaw mo,
at sinisiguro kong di mo ako mahuhuli.
Tumigil ka na sa pag-iimbestiga dahil kung hindi,
mas dadanak pa ang dugo sa bayang ito!
Nanggagalaiti sa galit ang inspector at tinawag ang lahat ng kanyang kasamahan sa isang pagpululong. Iisa lamang ang agenda -- ang plano kung paano madadakip si Black Hood sa susunod na kabilugan ng buwan.
Dumating din ang araw na pinakahihitay ni Sanchez. Naghanda ang lahat at naka alerto sa maaring pagsalakay ni Black Hood. Nakatago, nakamasid ng tahimik, at matiyagang naghihintay. Ngunit walang Black Hood na nagpakita.
Akala ng lahat ay nagtapos ang gabi ng tahimik, ngunit sa bahay ni Inspector Reyes, isa sa mga kasamahan ni Sanchez sa NBI, nakahandusay ang katawan ng kaniyang maybahay na si Emily katabi ang simbolong ginuhit ni Black Hood.
Galit na galit si Sanchez na umuwi sa kaniyang bahay. Ngunit dahil sa nangyari, tatlo sa kaniyang teorya ang nakumpirma.
- Una: Sa tuwing kabilugan nga ng buwan pumapatay si Black Hood.
- Pangalawa: Ang kaniyang pinapaslang ay ang kabiyak ng mga lalaking nagtaksil sa kanila.
- Pangatlo: Si Black Hood ay kilala niya, at marahil ay malapit sa kaniya, at malakas ang kutob niya kung sino ito.
Abangan ang susunod na yugto...
Mga Karakter
Bida: Ang Haunted Hero: Hero na may malagim na nakaraaan (Si Mark Sanchez, isang inspector na may malagim na nakaraan.)
Kontrabida: Ang Corrupted Hero: Nagsimula na mabait pero naging masama (Secret muna kung sino sya sa ngayon, pampasabik para basahin ninyo ang susunod na yugto.)
Tema
Misteryo
Elemento sa Kwento na ginamit
Time Machine
Libro
Mga pinagkunan ng mga larawan: 1, 2
Bilang ng mga salita: 1,027
Mga Myembro ng Bawat Pangkat
UNANG PANGKAT:
IKALAWANG PANGKAT:
IKATLONG PANGKAT:
