Ang pagkakaibigan ay makapangyarihan,
Sa lahat ng oras nagtutulungan,
Sa lahat ng bagay nakakaintindihan,
At higit sa lahat nagmamahalan
Saan man magpunta,
Palaging magkakasama,
Nag-iipon ng mga alaala,
Kahit maraming problema
Masaya ako, masaya sila,
Malungkot ako, naaapektohan sila,
Pagpapatibay na mahalaga ang bawat isa,
At sa pagmamahal na parang tunay na kapamilya
Hindi mawawala ang pagseselos,
Nakikita ko yun sa kanilang mga kilos,
Pag-uusapan lang ng maayos,
Mga puso ay parang hinahaplos
May mga pagkakataon talaga
Na hindi kami nagkakaisa
Hindi na namamansin
At masakit 'yun para sa amin
Pero hindi namin hahayaan
Na ito ay aabot hanggang kinabukasan
Kailangan kaagad mapag-usapan
Para hindi maging isang hidwaan
Marami na kaming pinagdaanan
At hindi namin yun kakalimutan
Nakatatak na ito sa aming puso't isipan
Ang pagtibayin ang aming pagkakaibigan
Samahang hinding-hindi mapapalitan
Kahit anong mangyayari sa kasalukuyan
Susubukin man ito nino man
Manatiling matibay hanggang magpakailan paman