Mumunting bulaklak na hindi kagandahan,
hindi man lang napapansin ng karamihan.
Itinago ang sarili,
pamumukadkad ay iniwakli.
Ngunit isang hardinerong maituturing ang bumago sa lahat,
pag-aalaga’t pagmamahal mo’y naging sapat.
Kung hindi dahil sa iyong pag-aalaga,
hindi matatanaw ang ganda kong kakaiba.
Nang dahil sa idinilig mong pagmamahal na tunay,
ako’y namukadkad pa’t nagkakulay.
Ikaw ang nagbigay ng liwanag,
ang pag-ibig mo’y lagi kong hangad.
Ako’y tuluyang naging bukas,
at sa kalungkuta’y iyong pinatakas.
Ang paghaplos mo sa aking puso
ay nagbibigay sa damdamin ng kakaibang bugso
Ako’y naging kompleto
dahil sa pag-aalaga’t pagmamahal mo.
pinagkunan ng larawan
Ang tulang ito'y aking tugon sa tulang PAGMAMAHAL NA WALANG KATUMBAS ni 
para sa Biglaang Kolaborasyon Ikalawang Araw ni 
para sa Biglaang Kolaborasyon Ikalawang Araw ni