《Free!》（日語：フリー）（香港：熱血自由式），唔知呢度多唔多佢既Fans呢？
如果係佢既Fans，應該都知道，下個星期（9.21）將播放《劇場版 Free！ -Timeless Medley- 絆》，到時重可以得到專屬角色的文件夾一個，呢套野喺香港咁受（女）觀眾歡迎，購票時肯定排晒長龍、打晒蛇餅啦，真係要攞定半日假，一朝早去排隊至得啦，手快有，手慢無！
正如上次《你的名字》一樣，又係一開始售票，唔使半個鐘就賣晒，好彩我老友早幾個鐘（真係一天光7~8點）就走去排隊買票，買既總要唔係首映正日（即係無文件夾送），咁先至超級幸運地總算買到兩張票，如果唔係，哼，佢都唔使旨意有得睇，希望今次場面無咁墟冚啦！