Təhsilə edilən kapital ən uğurlu kapitaldır. Bu mövzuda simiclik etməyək. Bari övladlarımız üçün bir işıqlı gələcək, istədiyimiz dünyanı quraq. Özümüz arzularımızla gömüləndə belə bilək ki, onlar arzuladıqları cəmiyyətdə yaşayacaq .
İnsan övladı heç nədən razı qalmayan bir yaradılışdır, lakin hazırki cəmiyyətimizdə zatən razı qalıb, tabe olarkən xoşbəxt olacağımız çox az mövcudiyyət var. Təhsildən qəsdim diplom almaq deyil, dünyagörüşü formalaşdırmaq, mövcud mental zincirləri qıra bilməkdir. Düşünsənizə gələcək övladlarımız "mən kişiyəm , mənə hər şey olar"-, deyən bir cəmiyyətdə yox " mən insanam , buna uyğun bir cəmiyyətdə yaşamalıyam",- deyir.
Gülümsədiniz çoxunuz oxuyarkən. Çünki biz də belə bir cəmiyyət arzulayıb yaşaya bilmədik. Hələ indi formalaşdırmağa çalışırıq bu cəmiyyəti . Amma 21-ci əsrdir , millət Ayda həyatı sübut etməyə cəhd edir biz isə mental dəyərləri qırmağa. Gülünc durumdayıq. Hazırda bir valideyn deyiləm amma övladımın belə cəmiyyətə gəlib zülm çəkərək yaşamağını da arzulamıram. Hətta düşünəndə rəsmən pis oluram. Bütün qadınlar gələcəyi ilə bağlı xəyallar qurar. Ən böyük xəyalım isə buruq saçlı, sarışın , şeytan bir qızımın olmağıdır.
Düşünürəm ki , məhz qadın olduğu üçün gələcəkdə o da əziyyət çəkəcəksə, niyə bu çətinliyə onu məruz qoyum. Haqqım varmı?! Aydın bir səma üçün bəlkə övladlarımızı düzgün tərbiyə edək?! "Sən oğlan yox, sən insansan" fikrini formalaşdıraq bəlkə?! Çətindir amma mümkünsüz deyil. Bəli, bunu onlara borcluyuq! Borcluyuq çünki öz arzularımız reallaşmayanda çox əziyyət çəkmişiksə , ən azından əziyyətin yoğurduğu insanlar olaraq bunu dərk etmişik.
P.S: TƏHSİL DİPLOMLA BİTMİR, BEYİNDƏ BİTİR...