basahin nyo muna ang tulang ito bago ang tulang nasa ibaba
Aking irog, ikaw ang buhay ko
kulang ako kung wala ka sa piling ko
Ang iyong ngiti na nag-aalis ng aking pagod
Sa maninging mong mata ako'y napapahinuhod
Iyong bungisngis ay musika ng aking kaluluwa
Sa tinig mong buo takot ko'y nawawala
Buhok mong nakakahalina sa bango
Kapayapaan sa napapagal na puso
Kay kinis mong mga kutis at kamay
Pumapawi ng aking tamlay
Sa galing mong pumustura
Kahit sino'y mapapanganga
Hirap at ginhawa ako ay iyong karamay
Bawat hakbang tayo ay magkaakbay
Aking irog di kita iiwan
Bagyo at lindol man aking sasamahan
Sinta ko hayaan mong ibigin kita
Ang gugulin ang natitirang buhay na kasama ka
Kahit sa malayo ayos na
Dahil ikaw ay pag-aari na ng iba
Mahal kita, ibubulong na lang sa hangin
Magkakasya na lang sa nakaw tingin
Bakit hindi sinabi noon pa ang damdamin
Pinigil ang busilak na pagtingin
Sana ay binigay sa iyo ang tulang ito noong may pagkakataon pa
Hindi sana nadugtungan ng panghihinayang at dusa
Marahil di na mababatid ang damdaming siniil
Sayang! bakit sinulat ko lang lahat sa papel
