Salitang ayaw mo sanang sabihin pero kailangang gawin.
Salita na naghihiwatig ng katapusan sa mga puso na hindi na magkakaintindihan.
Minahal kita....Oo, Minahal kita pero bakit sa isang idlap bigla na lang naglaho lahat ng sarap at napalitan ng sakit at hirap.
Paalam! kailangang matigil na itong kahibangan dahil ako din naman ang laging talunan at nasasaktan pag hindi kita binitawan.
Kailangan ng lumayo-layo para ang salitang "Paalam" na kung saan nakadikit ang iyong pangalan ay hindi ko na "Maala Pa".
Paalam, sa mga panahong ikaw ang nagpatigil sa mundo ko pero ngayon ikaw ang dahilan sa pagkawasak nito.
Paalam, sa mga salitang "Mahal Kita, Hindi kita iiwan" dahil ikaw din ang dahilan sa pagkabuo ng salitang "Iiwan na kita Hindi Na Kita Mahal".
Paalam, sa matamis at masasayang ala-ala nang dalawang puso na pilit nating pinag-isa, pero ngayon bakit puso ko na lang talaga ang nag-iisa.
Paalam sa pag-iibigan natin dati na walang mali, na puro lang tama ang nakikita ng ating mga mata, pero ngayon tama na! puro kamalian na ang nakikita.
Paalam, sa pag-iibigan na parang wala ng bukas, parang ang panahon ay hinding hindi na lilipas, pero lumipas ang panahon na binuksan mo ang iyong puso para sa iba at sinabi mo pa na sya na ang kinabukasan mo at di na ako.
Hindi lahat ng pag-iibigan masaya at matamis ang katapusan.
May mapapait din at pilit na kinakalimutan.
Pilit na iiwasan para di na muling matusok sa pako ng pangako na ikaw at ako kakayanin ang pagsubok ng mundo pero kalokohan lang pala ang lahat ng ito.
PAALAM.