Panlabas na anyo, hindi maipagkakaila,
Sa ganda mong taglay lahat ay matutulala.
Mapapalingon sila kapag dumaan ka na,
Halos lahat sila ay gustong kang makilala.
Ito ba ang batayan ng tunay na kagandahan?
Ang nakikita sa labas ng iyong kaanyuan.
Hindi kaya mayroon pa, na ibang dahilan?
Tunay na saloobin sa iyong katauhan.
Maganda ang mukha mo at iyon ay totoo,
Pero ang ugali mo, ay hindi makain sa aso.
Makinis kang tingnan, at yan ang nakikita ko,
Subalit ang gaspang pala ng pag-uugali mo.
Sayang na kagandahan, hindi maipagmamalaki,
Mapapailing na lamang sa lungkot ang mga lalaki,
Mas gugustuhin pa nila, ang tahimik na babae,
Basta't mabait siya, at hindi rin siya maarte.
Tunay na kagandahan, ang siyang hinahanap,
Siya ay matapat, at sa buhay ay may pangarap.
Mabait, mapagkumbaba at malinis ang kanyang puso,
Matipid, mapagbigay at matulungin sa kapwa niya tao.
Sana magustuhan nyo
Please Follow
Salamat po
Upvote!
Comment!
Resteem!
Love, iyam 💕