Pagsikat ng Araw
Talaga naman kayganda
Ang mabuhay ng kay sigla
Tila ba wala nang problema
Dahil ang araw ay sumisilip na
Isang araw ang lumipas
At ibang araw naman ang ipaparanas
Na tila ba isang wakas
Ang kahapon na masalimuot na bakas
Sa tuwina aking naiisip,
Pagkatapos ng isang magandang panaginip
Madadama ko na naman
Ang isang magandang pakiramdam
Subalit, 'di lang ito ang kanyang dala
Ito rin ay may hatid na pag-asa
Sa mga taong tila pagod na
Upang sa buhay ay makibaka
Pagsikat ng araw, ikaw ay kayganda
Ako ay nahuhumaling sa iyong pagpapakita
Na tila ba binibigyan ng buhay
Ang mga pinapangarap at hinahangad na tagumpay