Hindi ko matandaan na may ginawa ako sayong kasalanan. Ginawa ko na ang lahat, sa ating relasyon ako ay naging tapat. Wala akong ginawang makakasakit sa iyong damdamin. Wala akong reklamo kahit akoy naging alipin, sa pagsasama natin noon ako ang gumagawa lahat, tinatawag lang kita pag oras na ng pagkain. Pag-aalaga ko at pagmamahal sayo ay hindi pa sapat. Bakit sya at hindi ako, kaya pala sa twing tatanongin kita kung mahal mo ako wala akong marinig na sagot. Kung sya naman pala ang mahal mo bakit ako'y pinaasa mo. Isinuko ko na lahat, langit ay malapit ko ng maakyat para lang masulyapan ang ngiti mo.
Dahan-dahan kang bumitaw sa kamay ko kasabay ng pag wasak mo sa mundo ko. Sa pag-alis mo ninakaw mo pa ang pangarap ko.
Sabi ko pangarap ko ang paligayahin ka, pero sinabi mo sakanya na pangarap mo ang paligayahin sya. Ang mga ngiti kong para sayo inagaw mo pa para maging sa inyong dalawa.
Ang anak mong hindi sakin ay inalagaan ko pero ngayon pina-alaga muna sakanya, ang pangalan na binigay ko sa bata ay iyong binago at ipinangalan sa bagong mahal mo.
Masyado kang marahas sa tulad kong walang ginawa kundi ang mahalin ka.
Masaya ka naba sa pinili mo, hindi mo ba sya inaaway katulad ng pambabato mo sa akin ng kung ano sa twing magagalit ka?
Hindi ka naba nakakulong sa hawla na sabi mo ginawa ko dahil sa tindi ng pagmamahal ko sayo?
Pinaglalaba kaba nya dahil sakin ayaw kitang nakikitang nahihirapan kaya ako na ang gumagawa.
Sa pag-uwi mo ba sa gabi ay pinagluluto ka nya at sana'y hindi ka magagalit sakanya kung matagal sya makapagluto pag galing sa trabaho katulad ng lagi mong ginawa sa akin.
Ganoon paman bakit sya ang pinili at hindi ako na minsan sinabi muna na kaya pinili mo ako dahil buntis ka at hindi ka nya pinagotan?
Kinain ko na ang lahat ng pagkalalake ko para lang sayo pero nagawa mo pa ring piliin sya at hindi ako.
Haaayyyyyyy
proud:
