Batang musmos saan ka patutungo?
Naglalakad mag-isa bitbit ang bag mo
Lama'y lapis, papel at libro
"Sa paaralan po!" ang s'.yang tugon mo.
Nakakatuwan naman ang tugon mo
Magandang asal ang pagsambit ng 'po' at 'opo'
Tanda ng paggalang sa mas nakakatanda
Kaya bakas sa mukha ko ang pagkatuwa.
Batang musmos bakit ka mag-aaral?
"Si inay po kasi ang nangaral
Na mahalaga magkaroon ng kaalaman
Upang inaasam na pangarap ay makamtan".
"Huwag daw ako tutulad sa kanila
Hanggang unang antas lang naabot nila
Sapagkat inabot sila ng kahirapan
Kaya mahirap din na buhay kanilang naranasan."
Kaya ibuhos daw nila ang kanilang lakas
Na itaguyod ang pag-aaral ko
Upang maabot pinakamataas na antas
Subalit huwag ko daw kalimutan na huwag magmataas.
Batang musmos ikaw ay mapalad
Nawa'y maging matagumpay saan ka man mapadpad
Binubusog ka ng pangaral ng magulang mo
Bukod pa sa pagkaing hinahain nila sa'yo.
O cge, batang musmos ika'w ay humayo
Sa paaralan kung saan ka patutungo
Ikaw ay mag aral ng mabuti't maigi
Bigyan mo ng saya magulang mong sa iyo'y kumakandili!
=======V=0=T=E==F=O=R========
Have you voted your witness?
Consider casting your witness votes for 
To cast your votes, just go to
https://steemit.com/~witnesses
=======S=T=E=E=M=G=I=G=S=======
Much love, God bless!
Your UPVOTE|RESTEEM|FOLLOW, will always be my source of inspiration!
This post was made from https://ulogs.org