Musibah atjeh ateuh cot murong
Lheuh nyan meusambong u aceh jaya
Di aceh pidi tempat almarhom
Ureung yang peutron aceh merdeka
Jinoe kadame rame ji ek bong
Ngon rumoh geudong moto avanza
Wate calon drou jak rata gampong
Jak lakee tulong yubi suara.
Oh ban kameunang seunang lam geudong
Di ureung gampong manoe ie mata
Peugah ngon janji rakyat ta tulong
Padahai ek punggong mandum cerita
Watee jameun mandum meuroron
Neu bantu rakan lon tamong TNA
Oh ban kadame lambong ija kroeng
Beudoh neutop lon mangat merdeka
Oh ban lheuh tatop teuhah ngon payong
Keudeh meulambong u jawa karta
Kakeunong keupiyah meugamba burong
Ngon bajee katon gamba garuda
Abeh dum cara peugeut ureung gampong
Bak mita embong beu kaya raya
Peugah drou caroung mandum ka mufom
Mangat geulindong bantu suara
Alah hai bangsa darah almarhoem
Bek le yu tuloeng bala peutaka
Beudoh cok bajee pinggang ija kroeng
Beudoh rakan lon taubat nasuha
Bekle meujanji mameh ban ie embon
Bekle bangsa lon tapupoh bangsa
Kasep yang syahit tanyoe geutulong
Kasep geuranggong geuroe ie mata
Abeh dum harta nyawoeng lam tuboeh
Kabeh dum duroeh aneuk syuhada
Bak bela nanggroe peusumpah tuboeh
Watee karap troeh ka sia sia
Ikayat musang bek le jak ratoh
Ikayat tuboeh tukui musalla
Ikayat aceh kabeh dum duroeh
Karna kabeh troeh ikayat jawa
Meumada ohnoe haba lon ratoeh
Meuah rakan boh mandum saudara
Kon karna benci meucureh tuboeh
Takot bereutoh bude keu dua
Haba peu ingat bek cok keu hate
Hudep beusare sama ta jaga
Salam sukses,safroel72