Antonia say na holy girl
But person husband na she Dey call dear
She Dey form virgin Mary
But her body be like MTN share
Sis. Sonia say 'I be choir director'
But she snatch her best friend guy
Her new room mate nor fit trust her
Becos everybody story she Don hear
Sarah dey sabi condemn person
And bad tinx na her tight padde
She carry church for head
but I shock say she still dey chop yahoo bread
Sis. Moha introduce Sarah to her lover
Sarah pass back to collect d guy phone number
UNJ
You need Jesus
Bro. Samuel dey give me relationship advice
but he almost rape Mary
Abba!
He dey condemn sinful act
But for night he join ogboni cat
He leg nor Dey comot for church
but he friend fiancee na he won burst
As he hear e friend foot step
he fly widow, he cun Dey dodge
I nor Dey do holy than thou
But he righteousness na filthy gown
UNJ
You need Jesus
Early morning, Bro. George dey shout ''Preach''
But Dey catch am wen he comot landlord wife pant
Olowo Tel e brother say God na Dey bless
But he spend 50k one night for olosho club press
Fellowship leader say sinners go end for hell
But becos of money, he sleep for cell
Aunty Grace say ''abortion na sin''
But abortion Don turn her pikin
I still dey wonder
If she nor ready to buy napkin
Why she cun Dey lie say na rehearsal time
Wen d song Wen she dey learn
Na d shout Wen she dey ontop Choir master bed
UNJ
You need Jesus
Pastor Dey use stick of mop tak beat e wife
Becos she say children Neva chop
He nor go drop money for soup
But ontop Nkechi home cell, he Dey spend ontop
Bro. Moses na e sow seed pass
But he children still dey manage one slippers
Mr. Tobe agree for Altar say ''for better, for worst''
but Wen wahala burst
He run go Lagos go lost
Maria say na by God's grace, she dey pass
But to teacher office, she get secret pass
Sister Gladys say Egera na her Christian sisters
But secretly, dey der see stars
Dey preach say fornication na sin
But two of dem Dey touch Deir pussycat tin
UNJ
You need Jesus
Sylvester thief Kingsley facebook post
He cun Dey form Mr. host
He facebook timeline na crime scene
No wonder, he brain equal nothing
Revd say God is faithful
But he dey very unfaithful
Like small pikin
He Dey cheat waka
Tony say ''in God we trust ''
But Amadi ass na he won burst
UNJ
You need Jesus
Adam tell Tina
''God say she go be he wife''
Just to use e bros cut her like kitchen knife
He cun Dey claim say she go give am staphy
Base on say he don straph her
I nor Dey curse anybody
I just Dey beg us, mak we nor form wetin we nor be be
Make we nor dey use Bible cover face
Cun Dey abuse God solid grace
UNJ
You need Jesus
®AkposDking
