pinagmulan minsan ako ay nangarap
na sanay gumanda ang hinaharap
Inaasam makarating sa tuktok ng bundok
nagsimulang gumapang, hanap-hanap ang daan
natutong tumayo, naglakad at tumakbo.
hindi naging madali
sapagkat sa daan paakyat may nakakubli
kakambal ng aking pangarap
na siyang nanggugulat at nagpapahirap.
dalangin ko sana'y
maging Dora na manlalakbay
kahit problema sumasabay
kayang lumaban at magtagumpay
sapagkat sa dala-dalang supot
na sa likod nakasabit
ay puno ng sandata at gamit
Ay! di halatang siya'y handa!
pinilit kong kopyahin si Dora
ngunit ang supot ko'y mabigat pala,
inakalang ang sandata ay sapat na
ngunit bigat di ko kinaya
kaya minsan ako'y huminto
binagalan yaring takbo
inaaninag ko ang tuktok na andun pa sa malayo.
ngayon ay magpahinga muna
at sa darating na bagong umaga
sisimulan na naman ang paglalakbay
patungo sa inaasam na tagumpay.
Isang magandang gabi sa ating lahat. Naway tunay ngang maganda ang yung gabi. Lagi lang tandaan, na kung tayo ay nahihirapan. Wag kalimutang magpahinga at magdasal narin. Laban lang! Ika nga may bukas pa.Paalam. Hanggang sa muli. Salamat.