PILIPINAS
Pilipinas ay aking bayan
Ito na ang aking kinagisnan
Ako ay isang tunay na Pilipino
Kayumangi ang kulay ng balat ko
Binubuo ito ng maraming isla
Ito'y nasasakop sa kontinente ng asya
Tanging tinaguriang perlas ng silanganan
Islang ang kay gandang pagmasdan
Pitong Libo,Isang Daan at Pitong Pulo,
Isang bansang maliit na parte ng mundo
Ngunit ang lalaki ng puso ng mga tao dito
Natatanyag sa mundo ang talino at gandang Pilipino
Nakatira dito ang iba't ibang katutubo
Sa bawat islang nasasakop nito
Ngunit isa lang ang nasa puso
Respeto at pagmahal sa kapwa tao
Maraming magagandang tanawin
Masaganang likas na yaman ay nasa amin
Dahilan para maraming bumibisita
Mga Touristang galing sa ibang bansa
Sa lahat ng aking kababayan
Ang Pilipinas ay ating pahalagahan
Hindi lang para sa sariling kapakanan
Kundi para sa kabataan na s'yang pag-asa ng ating bayan
Kahit anong pagsubok na dumating
Sama-sama natin itong haharapin
Sa mga dayuhan ay 'wag magpaalipin
Para di masayang ang sakripisyong ginawa ng mga bayani natin
Lahat tayo ay taos pusong sisigaw
Sa Luzon,Visayas ka man o sa Mindanao
"Ako ay Pilipino! Mahal ko ating bansa
At kailan ma'y hindi ko ito ikakahiya"
Maraming salamat po sa pagbabasa nitong aking akda. Hanggang sa susunod...
