Angen di laot jimpot gelumbang
Angen di diblang jipot oen padee
Cinta loen tuan cit gata sayang
Hana loen pandang yang laen kumbe
Buleun purnama indah hana ban
Semeuloh trang sideh u donya
Nibak malam nyoe diri loen tuan
Hajat ban mandum-mandum sehat di gata
Tatreun u blang ta pula padee
Tatreun u glee ta pula pala
Hajat loen tuan taduek meusare
Beu meuhase dan sijahtra
wate kubaca galau si leupah
dilon rap reubah ku deungoe haba
pakon oh dudoe cinta ta ubah
beda daerah alasan taba
hana meulinteung laot nyang luah
jurang peumisah cma beda kota
pakoen jeut meuno dudoe tapeugah
siputroe ceudah pasti keucewa
bek tatheun tuloe nyo hana geutah
nyang na cit susah rugo teunaga
ternyata cinta tan ubee peugah
harapan bicah hantroeh bak cita-cita
taikat jaloe nibak bak nipah
peunganyoh patah dalam ie raya
deungon impian harapan nyang indah
beu ek teureuah mahligoe cinta
tan guna tamoe ie mata basah
dak ile darah hana meuguna
kareuna dinda cinta meu ubah
pakat meu pisah masalah hana
Hendry97