Imbitasyon Alang Sa Tanang Pilipino Nga Mo Apil Sa Steemit (Invitation to All Filipinos to Join Steemit)

![BlogPostImage](https://i.imgur.com/kZTDEoV.png)
[Image Source](https://postimg.org)[](https://i.imgur.com/kZTDEoV.png)
Kini nga sulat gituyuan ug himo alang sa tanang mga Pilipino. Siguro dili ni mao ang pinaka unang higayon nga adunay nag estorya kaninyo mahitungod sa Steemit. Mamahimong nabasahan na ninyo ang maong pulong apan gipasagdan lang ninyo nga mo labay sa inyong mga igtatanaw ug igdulongog. Palihug hatagi ko ug gamay sa inyong oras ug tuguti ako sa pagsaysay kaninyo kung unsa kining steemit ug unsay maato niini kung kita moapil. Ang website is steemit.com. Una ko mo padayon palihug ko ug abli sa maong website ug ingna ko kung unsay imong nakita. Sa pinaka homepage sa maong website, makita nimo ang mga nagkalain-laing mga artikulo mahitungod sa bisan unsang butang. Naay mahitungod sa ilang kaugalingong kaagi sa kinabuhi, naay sa ilang trabaho, sa ilang mga gipangandoy, plano sa kinabuhi, mga panghitabo, mga litrato ug uban pa. Sa ubos nga bahin nianang mga artikulo adunay presyo nga nakabutang, mao kana ang presyo sa artikulo. Kung imo nang paliton, mao nay imong ibayad, joke lang. Maghago-hago pa kaha ko ug buhat aning maong sulat aron lang imbitaron nga mo palit, dili. Kanang presyo nga naa sa ubos mao na ang kita sa tag-iya sa maong artikulo. Uo wa ka masayop, mao na ilang kita. Sa Steemit, ginatawag kana siya ug ganti (rewards), ganti sa ilang pagbuhat nianang maong artikulo. ![BlogPostImage](https://i.imgur.com/ItnZ1rY.png)
[](https://www.imgur.com)[](https://i.imgur.com/ItnZ1rY.png)
Nindot kaayo paminawon no, kay kung atong e convert sa atong kwarta kanang mga dolyares dira, dako na kaayo na para sa ato. Apan dili ka makabahin niana kung dili ka mo apil sa maong website. Ayaw na mo paglangan, daghan na kaayo mi mga Pilipino diri, daghan pong mga bisaya. Libre ang pag apil, walay bayad. Wala kay igasto bisan gamay, gawas na lang sa imong iabang sa kompyuter. Mas maayo kini kaysa magdula ra ka ug dota dira. Dili malilong nga halos kitang tanan adunay facebook account, mismo ikaw nga nagbasa niini, sinto porsyento nga adunay account sa facebook. Mangutana ko, pila na bay kita nimo sa facebook? Ako dako nako ug kita sa facebook kay namaligya man ko ug RTW. Dili kana ang akong boot ipasabot. Sa pila ka tuig nimong gamit ni facebook, pila na iyang nahatag nga ganti sa imoha, ganti pinaagi sa salapi? Wala? Di kaha ka matingala kung ingnon taka nga si facebook naka kwarta sa imohang account. Uo tinood na, si facebook lang mao ang nabulahan sa bilyon-bilyong account nga naa sa iyang website. Igo lang tang gipamuhunan ni facebook alang sa ilang kaugalingon kapuslanan. Daghan na kaayoy mga nadiskubrehan nga kabuang si facebook nga wala nato nahibawan. Basta kay kita chat2x lang, post and like lang. Sa Steemit, kanang imong kasagarang ginabuhat sa facebook nga mag post, mag like ug mag comment, adunay tugbang nga ganti, ganting salapi, dolyar. ![BlogPostImage](http://lifewellspent.ca/wp-content/uploads/2012/09/I_Dont_Know.jpg)
[Image Source](http://lifewellspent.ca)[](http://lifewellspent.ca/wp-content/uploads/2012/09/I_Dont_Know.jpg)
Na dili lang ko mo apil oi kay dili man ko kabalo mo sulat. Botbot na, walay tao nga dili kabalo mosulat. Kana kay nakabasa ka aning maong sulat, kamatuoran na siya nga kabalo ka mo sulat. Lisod kaayo mag English. Kinsa gaingon nimo nga English ra ang pwede e post sa Steemit? Kung nabantayan nimo, binisaya kining maong sulat nga imong gibasa. Kitang mga pinoy walay impossible kanato basta ato lang panigkamotan. Ayaw lang pud nang lupad, kay dili ta si supergirl. Mao ni siya ang kasagarang problema basta sinulatay na kay daghan kanato ang mag-unauna ug surrender. Wala pa gani naka testing, surrender na dayon, kay kumo lisod, negatibo kaayo ug hunahuna. Kini siya ha, "Walay positibong kinabuhi sa Negatibong panghuhuna." Testingi sa daan ayha ka moingon nga lisod. Pagbinisaya lang gud. ![BlogPostImage](https://gramista.com/img/blog/what-should-i-post.jpg)
[Image Source](https://gramista.com)[](https://gramista.com/img/blog/what-should-i-post.jpg)
Unsa man poy akong e post? Bisan unsa. Walay magboot kung unsa e post nimo. Pwede ka mag post ug litrato kauban sa gamay nga pahayag kung unsa kanang maong litrato, unsay estorya nga nahitabo ana. Kung aduna kay kabansayan sa pagdrawing, pwede kaayo na. Daghan diri ang nagpost ana ug daghan na usab sila ug kita. Kung aduna kay ginataguang kabibalo dira sa imong ulo, ipamahin kana, tungod kay ang tanang butang adunay presyo sa steemit. Ang pinakasayon e post mao ang atong kaugalingong kaagi sa kinabuhi kay dili na kinahanglang ug research. Kanang atong pang adlaw-adlaw nga mga lakaw. Di ba mahilig ka ug selfie? Admit it, mahilig ka ug selfie kay ang Pilipinas gitagaan ug sangon nga "Selfie Country." Kanang imong selfie e post na siya dayon e share kung unsa na siya. ![BlogPostImage](https://i.pinimg.com/originals/73/e9/b4/73e9b4f7d02bc6fa90c5721b1d17340a.jpg)
[Image Source](https://www.pinimg.com)[](https://i.pinimg.com/originals/73/e9/b4/73e9b4f7d02bc6fa90c5721b1d17340a.jpg)
Walay Mahika, Tanan Kinahanglan Haguan Ang steemit dili sa ka website nga nagpasiugda ug daliang ka datu. Usa kini nga website nga ang toyo magahatag us ganti sa mga taong kugihan. Uo kugihan, kugihan ug sulat. Kung nabantayan nimo ang akong pamulong, "kugihan" kay bawal diri ang mangopya sa laing website ug e post sa steemit. Masakpan dayon ka sa nga dili imoha ang imong ge post. Sama sa akong ginaingon, gawas lang kung aduna gyud kay tinaguang kahibalo ug talento, ang sayon e post mao ang imong kaugalingong kaagi sa kinabuhi. ![BlogPostImage](https://cdn2.iconfinder.com/data/icons/business-set-2/512/Icon_1-512.png)
[Image Source](https://www.iconfinder.com)[](https://cdn2.iconfinder.com/data/icons/business-set-2/512/Icon_1-512.png)
Kinsa ang mo hatag sa salapi ug diin kini gikan? Ang ganting salapi nagagikan sa mga tao ra gihapon sa steemit, sa mga miyembro ra gihapon nga pareha nako. Lain-lain man gud ang klase sa mga miyembro sa steemit, naay pobre, naay medyo adunahan, naay aduna, ug naa poy sobra ka datu. Kaning mga nagkadaiyang klase sa miyembro sa steemit, mao ni sila ang mo hatag sa ganti pinaagi sa butar sa imong post, pareha anang e like ang imong post sa facebook. Diin gikan ang kwarta? Inani ni siya, kung mo sakay ka ug taxi, unya inig plete nimo sa driver, mangutana pa ba ang driver kung diin gikan ang imong kwarta nga gibayad, dili na di ba? Inana pud diri sa steemit, ayaw na pangutana kung diin gikan ang kwarta, ang importante, nakakwarta ka. Ayaw pud kabalaka basin illegal ni siya. Dili kini illegal, rehistrado kini sa gobyerno sa laing nasud. Masabtan ra ninyo kini pag-ayo sa panahon nga anaa na kamo sa sulod. Tara na, apil na, dili na maglangan. Basin mao ra diay kini ang dugay na nimong ginapaabot. Ang pinaka tinguha sa steemit mao ang paghatag ug kagawasan sa mga tawo, kagawasang pinansyal. ![BlogPostImage](https://i.imgur.com/dNV2Q0X.png)
[](https://www.imgur.com)[](https://i.imgur.com/dNV2Q0X.png)