</div>

    </div>
    <div class="Indented">ᎾᏍᎩᏃ ᎦᏍᎩᏓᏍᎬ ᎦᏥᎪᎥ, ᎢᏳ ᎿᏉ ᎢᎤᏨᏒ ᏄᏬᎯᏳᎯᏒᎾ, ᏧᏁᎶᏗ
        ᎠᎴ ᎤᏬᎯᏳᎯᏍᏛ ᎠᎾᎵᏃᎮᏔᏂᏐ ᎠᎾᎢᏒ ᎢᎾᎨᎢ, ᎯᎠ ᏄᏂᏪᏒ. ᎿᏉ ᎤᎾᎴᏅᎲ.</div>
    <div class="Indented">
        Now I saw in my Dream, that when <i>Obstinate</i> was gone back, <i>Christian</i>
        and <i>Pliable</i> went talking over the Plain; and thus they began
        their discourse.
    </div>
    <div class="Indented">ᏧᏁᎶᏗ ᎯᎠ ᏄᏪᏎᎸ ᎤᏬᎯᏳᎯᏍᏛ, Ꭷ, ᎰᏍᎩᏂ ᎦᎵᎡᎵᎦ ᏦᎯᏳᎲᎦ
        ᎩᏁᏅᏍᏗᏱ. ᎢᏳᏰᏃ ᎾᏍᏉ ᏄᏬᎯᏳᎯᏒᎾ ᏱᎠᎦᏔᎮ ᏥᏥᎦᏔᎭ ᎢᎦᎢ ᏄᎾᏰᎯᏍᏛ ᎠᏏ ᎢᎩᎪᎲᎯ ᏂᎨᏒᎾ ᏥᎩ,
        ᎥᏝᏍᎩᏂ ᏱᎨᎩᎾᏨᎡᎴᎢ.</div>
    <div class="Indented">
        Chr. Come Neighbor <i>Pliable</i>,
        how do you do? I am glad you are persuaded to go along with me: Had
        even <i>Obstinate</i> himself but felt what I have felt of the powers
        and terrors of what is yet unseen, he would not thus lightly have
        given us the back.
    </div>
    <div class="Indented">ᎤᏬᎯᏳᎯᏍᏛᏃ ᎯᎠ ᎿᏉ ᏄᏪᏎᎸᎩ. Ꭷ, ᏗᏣᏁᎶᏗ, ᎿᏉ ᎬᏂ ᎩᏅᏒ
        ᏂᎩᎾᏛᎿᏗ, ᎤᏗᏢᏃ ᎢᎦᎢ ᏍᎩᏃᎲᏏ ᏅᏧᏍᏗᏓᏅᎢ, ᎠᎴ ᏂᎦᎵᏍᏙᏗᏍᎬ ᏍᏤᎵ ᏂᎦᎵᏍᏗᏍᎬᎢ, ᎾᎿ ᏥᏫᏂᎦᏘ.</div>
    <div class="Indented">
        Pli. Come, Neighbor <i>Christian</i>,
        since there are none but us two here, tell me now further what the
        things are, and how to be enjoyed, whither we are going?
    </div>
    <div class="Indented">ᏧᏁᎶᏗᏃ ᎯᎠ ᏄᏪᏒᎩ, ᎤᏟ ᏃᎯ ᎪᎵᎦ ᏗᏆᏓᏅᏛ ᎢᏴᏛ, ᎥᏝᏃ
        ᎾᏍᎩᏯ ᎬᎩᏃᎮᏗ ᏱᎩ, ᎠᏎᏃ ᏥᏣᎩᏛᎲᏍᎦ ᏣᏙᎴᎰᎯᏍᏗᏱ, ᏓᎬᎪᎵᏰᎵ ᎪᏪᎵᎯ.</div>
    <div class="Indented">
        Chr. I can better conceive of them
        with my Mind, than speak of them with my Tongue: but yet, since you
        are desirous to know, I will read of them in my Book.
    </div>
    <div class="Indented">ᎤᏬᎯᏳᎯᏍᏛᏃ ᎯᎠ ᏄᏪᏒᎩ. ᏥᎪᏃ ᎤᏙᎯᏳᎯᏯ ᏣᏰᎸ ᎯᎠ ᏥᏂᎦᏪ
        ᎪᏪᎵᎯ?</div>
    <div class="Indented">
        Pli. And do you think that the words
        of your Book are certainly true?
    </div>
    <div class="Indented">ᏧᏁᎶᏗᏃ ᎯᎠ ᏄᏪᏒᎩ. ᎥᎥ, ᎤᏙᎯᏳᎯᏯᎢ; ᎬᏩᏥᎪᏗ ᏂᎨᏒᎾ ᏥᎩ
        ᎤᏬᏢᏅᎯ ᎯᎠ ᎪᏪᎵ.</div>
    <div class="Indented">
        Chr. Yes, verily; for it was made by
        him that cannot lye.
    </div>
    <div class="Indented">ᎤᏬᎯᏳᎯᏍᏛᏃ ᎯᎠ ᏄᏪᏒᎩ. ᎰᏩᏉ, ᎦᏙᏃ ᏧᏍᏗᏓᎾ?</div>
    <div class="Indented">
        Pli. Well said; what things are they?
    </div>
    <div class="Indented">ᏧᏁᎶᏗᏃ ᎯᎠ ᏄᏪᏒᎩ. ᎠᎵᏍᏆᏗᏍᎩᏍᎩᏂ ᏂᎨᏒᎾ ᏗᎪᏢ ᎤᎬᏫᏳᎯ
        ᎤᏤᎵᎪᎯ ᎠᏕᏗᏱ, ᎠᎴ ᎠᎵᏍᏆᏗᏍᎩ ᏂᎨᏒᎾ ᎬᏂᏛ ᎡᎩᏁᏗ, ᎾᎿᏃ ᎿᏉ ᏂᎪᎯᎸ ᎠᎴ ᎠᎵᏍᏆᏗᏍᎩ ᏂᎨᏒᎾ
        ᎢᎦᏕᏗ ᎨᏎᏍᏗ.</div>
    <div class="Indented">Chr. There is an endless Kingdom to be
        inhabited, and everlasting Life to be given us, that we may inhabit
        that Kingdom for ever.</div>
    <div class="Indented">ᎤᏬᎯᏳᎯᏍᏛᏃ ᎯᎠ ᏄᏪᏒᎩ. ᎰᏩᏉ; ᎦᏙᏕᏃ ᎠᏏ Ꮀ ᏗᎤᏍᏗ?</div>
    <div class="Indented">
        Pli. Well said; and what else?
    </div>
    <div class="Indented">ᏧᏁᎶᏗᏃ ᎯᎠ ᏄᏪᏒᎩ. ᎦᎸᏉᏗᏍᎩᏂ ᏗᎵᏍᏚᎶ ᏤᎩᏅᏁᏗ; ᎠᎴ
        ᏗᎦᏅᏬ ᏙᏓᏰᎩᏅᏁᎵ, ᏅᏙ ᎦᎸᎶᎢ ᏥᎧᎳ ᎡᏍᎦ ᏄᏔᎷᎩᏍᎨᏍᏗ ᎾᏍᎩᏃ ᏂᏚᏔᎷᎩᏍᎬᎢ.</div>
    <div class="Indented">
        Chr. There are Crowns of glory to be
        given us, and Garments that will make us shine like the Sun in the
        firmament of Heaven.
    </div>
    <div class="Indented">ᎤᏬᎯᏳᎯᏍᏛ. ᎤᏣᏘᏉ ᎣᎯ; ᎦᏙᏃ ᎠᏏ ᏗᎤᏍᏗ?</div>
    <div class="Indented">
        Pli. This is excellent; and what
        else?
    </div>
    <div class="Indented">ᏧᏁᎶᏗᏃ ᎯᎠ ᏄᏪᏒᎩ. ᎥᏝᏍᎩᏂ ᎿᏉ ᏱᏓᏂᏴᎨᏍᏗ, ᎥᏝ ᎠᎴ ᎿᏉ
        ᎤᏲ ᏳᎾᏓᏅᏖᏍᏗ, ᎠᎴ ᎾᏍᎩ ᎤᏤᎵ ᏨᏗᎩ ᏙᏓᎦᏅᎦᎸᎰᏂ ᏕᎩᎦᏌᏬᎸᎢ.</div>
    <div class="Indented">
        Chr. There shall be no more crying,
        nor sorrow, for He that is owner of the place will wipe all tears
        from our eyes.
    </div>
    <div class="Indented">ᎤᏬᎯᏳᏍᏛᏃ ᎯᎠ ᏄᏪᏒᎩ. ᎦᎪᏃ ᎾᎿ ᎢᏧᎳᎭ ᏫᏕᎮᏍᏗ?</div>
    <div class="Indented">
        Pli. And what company shall we have
        there?
    </div>
    <div class="Indented">ᏧᏁᎶᏗ. ᎾᎿᏍᎩᏂ ᏕᎦᏜᏍᏗᏕᎨᏍᏗ ᎠᏂᏓᏪ ᏗᏂᎧᎿᏩᏗᏙᎯ; ᎤᏣᏘ
        ᏧᏂᎦᏙᏴᎢᏍᏗᏳ ᏗᎧᏃᏗᏱ ᏗᏅᏃᏛ. ᎠᎴ ᎾᏍᏉ ᎾᎿ ᏕᏓᏠᏍᎨᏍᏗ ᎤᏣᏘ ᎢᏳᎦᏴᎳᏨᎯ ᎢᏳᎾᏧᏈᏍᏗ ᎾᎿ ᎦᏳᎳ
        ᎢᎬᏱ ᎨᎨᏅᎡᎸᎯ ᏥᎩ; ᎥᏝ ᏌᏉ ᏱᎬᏩᏜᏍᏗ ᎡᎯᏍᏗ ᎢᏯᏓᏛᏁᎯ, ᏧᎾᏓᎨᏳᎯᏉᏍᎩᏂ ᎠᎴ ᎾᏂᏍᎦᏅᎾ; ᎠᎴ ᏂᏓᏗ
        ᎤᏁᎳᏅᎯ ᏧᎧᎿᏂᏓᏍᏗᏱ ᎠᏁᏙᎭ, ᎠᎴ ᏂᎪᎯᎸ ᏗᎨᎦᏓᏂᎸᏨᎯᏉ ᎠᏂᏙᎾᎣ ᎤᏁᎳᏅᎯ ᎠᎦᏔᎲᎢ. ᎠᏗᎾ ᎯᎠᏉ
        ᎢᎦᏪᏍᏗ, ᎾᎿ ᏙᏓᏗᎪᎯ ᎤᎾᏓᏂᎵᎨ ᎠᏕᎸ-ᏓᎶᏂᎨ ᏗᎪᏢᏔᏅᎯ ᏚᎾᎵᏍᏚᎴᏍᏗ; ᎠᎴ ᎾᎿ ᏙᏛᏗᎪᎯ ᎾᏂᏍᎦᏅᎾ
        ᎠᎾᏛ ᎠᏕᎸ-ᏓᎶᏂᎨ ᏗᎪᏢᏔᏅᎯ ᎠᏤᎷᎩ ᏓᏂᏁᎮᏍᏗ; ᎠᎴ ᎾᎿ ᏙᏛᏗᎪᎯ ᎠᏂᏍᎦᏯ, ᎠᏂ ᎡᎶᎯ ᎠᏁᎯ
        ᏗᎬᏩᏂᏓᎦᎸᎢᏒᎯ, ᎠᎴ ᏗᎨᎦᎪᎲᏍᏔᏅᎯ, ᎠᎴ ᏅᎩ-ᏗᏂᏅᏌᏗ ᏗᎬᏩᏂᏯᎥᎯ, ᎠᎴ ᎠᎺᏉᎯ ᏗᎨᏥᎬᏴᎯ, ᎤᏂᎨᏳᎯᏉ
        ᎨᏒ ᎤᎬᏫᏳᎯ ᎾᎿ ᎡᎯ ᎤᏂᏍᏛᏗᏍᎬᎢ, ᏂᎦᏗ ᏙᎯᏱ ᎢᎨᏎᏍᏗ, ᎠᎴ ᎠᏲᎱᏍᎩ ᏂᎨᏒᎾ ᎠᏅᏬᏉ ᎢᏗᎬᏤᎵᏛ
        ᏚᎾᏅᏬᏍᏕᏍᏗ.</div>
    <div class="Indented">
        Chr. There we shall be with <i>Seraphims</i>
        and <i>Cherubins</i>, creatures that will dazzle your eyes to look on
        them: There also you shall meet with thousands and ten thousands that
        have gone before us to that place; none of them are hurtful, but
        loving and holy; every one walking in the sight of God, and standing
        in his presence with acceptance for ever. In a word, there we shall
        see the Elders with their golden Crowns, there we shall see the Holy
        Virgins with their golden Harps, there we shall see men that by the
        World were cut in pieces, burnt in flames, eaten of beasts, drowned
        in the seas, for the love that they bare to the Lord of the place,
        all well, and cloathed with Immortality as with a garment.
    </div>
    <div class="Indented">ᎤᏬᎯᏳᎯᏍᏛᏃ ᎯᎠ ᏄᏪᏒᎩ. ᏰᎵ ᎬᏩᏓᎩᎣᏁᏗᏉ ᎣᏓᏅᏛ ᎯᎠ
        ᎥᏛᎩᏍᎬᎢ. ᏥᎪᏃᎾ ᎾᏍᎩ ᎯᎠ ᎣᏤᎵ ᎢᎬᏩᎵᏍᏙᏗ? ᎦᏙᏃ ᏱᎦᎵᏍᏙᏓ ᎠᏴ ᎩᎾᏤᎵ ᏱᏂᎦᎵᏍᏓ?</div>
    <div class="Indented">
        Pli. The hearing of this is enough to
        ravish one’s heart; but are these things to be enjoyed? How shall we
        get to be sharers hereof?
    </div>
    <div class="Indented">ᏧᏁᎶᏗ. ᎤᎬᏫᏳᎯ, ᎾᎿ ᎤᎬᏫᏳᏌᏕᎩ, ᎾᏍᎩ ᎤᏬᏪᎳ ᎯᎠ ᎪᏪᎵᎯ,
        ᎯᎠ ᎾᏍᎩ ᏄᏍᏗ ᎦᏛᎬᎢ, ᎢᏳᏃ ᎤᏙᎯᏳᏒ ᏱᎩᎾᎦᎵᏴᎭ, ᎬᏩᎦᏘᏯᏉ ᏓᎩᏂᏁᎵ.</div>
    <div class="Indented">
        Chr. The Lord, the Governor of the
        country, hath recorded that in this Book; the substance of which is,
        If we be truly willing to have it, he will bestow it upon us freely.
    </div>
    <div class="Indented">ᎤᏬᎯᏳᏍᏛ. ᎰᏩᏉ, ᏣᏓᏅᏘ ᏥᎩᎾᎵᎪᏩᏘ, ᎤᏣᏘᏉ ᎦᎵᎡᎵᎦ
        ᏥᎦᏛᎩᎭ; Ꭷ ᏃᏍᎨ, ᎢᎾᏓᏅᏩᏗᏍᏙᏓ ᎢᎾᎢᏒᎢ.</div>
    <div class="Indented">
        Pli. Well, my good companion, glad am
        I to hear of these things ; come on, let us mend our pace.
    </div>
    <div class="Indented">ᏧᏁᎶᏗ. ᎥᏝ ᏰᎵ ᎬᏆᏓᏅᏩᏗᏍᏗ ᏱᎩ, ᏂᎦᎵᏍᏙᏗ ᎯᎠ ᎦᎨᏗᏳ
        ᏥᎦᎵᏎᎭ.</div>
    <div class="Indented">
        Chr. I cannot go so fast as I would,
        by reason of this Burden that is upon my back.
    </div>