</div>

    </div>
    <div class="Indented">ᎿᏉᏃ ᏧᏁᎶᏗ ᎤᏩᏒᎯᏲᏨᎯ ᎢᎾᎨ ᎠᎢᏒᎢ, Ꭸ ᎢᏴᏛ ᎩᎶ ᏭᎪᎲ
        ᏠᎨᏏ ᏚᎾᏗᎢᏏᏗᏒ ᏙᏓᏳᏠᏏᏒᎩ; ᎠᎴ ᏕᎦᎾᏗᎢᏍᎬ ᏅᏃᎯ ᏧᎾᏠᎯᏍᏗ ᏂᎦᎵᏍᏗᏍᎬᎩ. ᎾᏍᎩᏃ ᎠᏍᎦᏯ ᏥᏕᎤᎾᏠᏎ
        ᎡᎶᎯ-ᎡᎯ-ᎠᎦᏔᎿᎢ ᏕᎤᏙᎥᎩ: ᎠᎴ ᎡᎶᎯ ᎠᏓᏅᏖᎵᏓᏍᏗ ᎦᏚᎲ ᎡᎯ ᎨᏒᎩ, ᎤᏣᏘ ᎡᏉᎯᏳ ᎦᏚᎲᎢ, ᎠᎴ ᎾᏍᏉ
        ᎤᎶᏗᏢᏉ (ᎦᏚᎭ) ᏧᏁᎶᏗ ᏧᏓᎴᏅᎢ. ᎾᏍᎩᏃ ᎯᎠ ᎠᏍᎦᏯ ᏚᎾᏠᏒ ᏧᏁᎶᏗ, ᎠᎴ ᎤᏍᏗᎩᏛ ᎤᎦᏔᎯ ᏂᎨᏐᎢ,
        (ᎾᎯᏳᏰᏃ ᏧᏁᎶᏗ ᎤᏂᎩᏍᏗ ᏄᎵᏍᏔᏅ ᎠᏲᎱᏍᎩᏱ ᎤᏣᏛ ᎤᏂᏃᎮᎵᏓᏍᏗ ᏄᎵᏍᏔᏅᎩ, ᎥᏝ ᎤᏩᏒᏉ ᎤᏪᏚᎲ ᎤᏩᏒ
        ᎤᏂᏃᎮᎵᏓᏍᏗ ᏱᏄᎵᏍᏔᏁᎢ, ᎾᏍᏉᏍᎩᏂ ᎢᏴᏛ ᏕᎦᏚᎲ ᎤᏂᏃᎮᎵᏓᏍᏗ ᏄᎵᏍᏔᏅᎩ); ᎾᏍᎩᏃ ᎢᏳᏍᏗ, ᎡᎶᎯ ᎡᎯ
        ᎠᎦᏔᎿᎢ, ᎬᏁᎳᎩ ᎤᏬᎵᎬ, ᏂᎦᎥᏉ ᎠᎵᏂᎬᏁᎲ ᎠᎢᏒᎢ, ᎠᎴ ᎤᏕᎶᎰᏒ ᏂᎦᎥ ᏚᏯᏪᎬᎢ ᎠᎴ ᎤᎵᏰᏗᏍᎬᎢ, ᎠᎴ
        ᎾᏍᎩ ᎢᎬᏩᏍᏗᏓᏂ, ᎿᏉ ᎤᎴᏅᎲ ᎤᎵᏃᎮᏔᏅ ᏧᏁᎶᏗ.</div>
    <div class="Indented">
        Now as <i>Christian</i> was walking solitary by himself, he espied
        one afar off come crossing over the field to meet him; and their hap
        was to meet just as they were crossing the way of each other. The
        gentleman’s name that met him was <i>Mr. Worldly Wiseman</i>: he
        dwelt in the Town of <i>Carnal Policy</i>, a very great Town, and
        also hard by from whence <i>Christian</i> came. This man then meeting
        with <i>Christian</i>, and having some inkling of him, — for <i>Christian</i>’s
        setting forth from the City of <i>Destruction</i> was much noised
        abroad, not only in the Town where he dwelt, but also it began to be
        the towntalk in some other places, — Master <i>Worldly Wiseman</i>
        therefore, having some guess of him, by beholding his laborious
        going, by observing his sighs and groans, and the like, began thus to
        enter into some talk with <i>Christian</i>.
    </div>
    <div class="Indented">ᎡᎶᎯ-ᎡᎯ-ᎠᎦᏔᎿᎢ. ᎦᏙ ᎬᏩᏍᏗ ᎪᎯ, ᎩᎾᎵᎢ, ᎭᏢ ᏫᎦᏘ ᏂᎦᎥ
        ᏕᏣᏣᏪᎢᏍᏗᏗ?</div>
    <div class="Indented">
        World. How now, good fellow, whither
        away after this burdened manner?
    </div>
    <div class="Indented">ᏧᏁᎶᏗ. ᎤᏙᎯᏳᎯᏯ ᏓᏆᏣᏪᎢᏍᏗᏗ, ᎠᎴ ᎥᏝ ᎩᎶ ᎤᏗᏢ ᎢᎦᎢ
        ᏱᏙᎬᏩᏣᏪᎢᏍᏔᏂᏙᎶᎢ! ᎠᎴ ᎾᏍᎩ ᏥᏍᏆᏛᏛᎲᎦ ᏫᏥᎦᏛᎢ? ᏓᎬᏃᏁᎵᏉ, ᎾᏍᎩᏂ ᎤᏍᏗ ᎦᎶᎯᏍᏗᏱ ᏗᎪᏢᏒ
        ᏫᏥᎦᏘ; ᎥᎩᏃᏁᎸᏰᏃ, ᎾᎿᏉ ᏓᏴᎩᏃᏁᎵ ᎢᏯᏆᏛᏁᏗᏱ ᎠᎩᏰᏅᏙᎠᎯᏍᏗᏱ ᎯᎠ ᎦᎨᏛ ᏥᎦᎵᏎᎭ.</div>
    <div class="Indented">
        Chr. A burdened manner indeed, as
        ever I think poor creature had. And whereas you ask me, Whither away?
        I tell you, Sir, I am going to yonder Wicket-gate before me; for
        there, as I am informed, I shall be put into a way to be rid of my
        heavy Burden.
    </div>
    <div class="Indented">ᎡᎶᎯ-ᎡᎯ-ᎠᎦᏔᎿᎢ. ᏥᎪ ᏣᏓᎵᎢ ᎠᎴ ᏗᏤᏥ ᎠᏁᎭ?</div>
    <div class="Indented">
        World. Hast thou a Wife and Children?
    </div>
    <div class="Indented">ᏧᏁᎶᏗ. ᎥᎥ; ᎠᏎᏃ ᏂᎦᎥᏉ ᎦᎨᏗ ᎦᎵᏎᎲ, ᎥᏝ ᏰᎵ ᎣᏍᏛ
        ᎬᏆᏓᏅᏓᏗᏍᏗ ᎠᏁᎲ ᏱᏂᎦᎵᏍᏗᏍᎪᎢ ᎪᎯ: ᎾᏁᎲᎾᏉᏰᏃ ᏱᎩ ᎢᏳᏍᏗ ᎾᏆᎵᏍᏓᏁᎰ ᎦᏓᏅᏖᏍᎬᎢ.</div>
    <div class="Indented">
        Chr. Yes, but I am so laden with this
        Burden, that I cannot take that pleasure in them as formerly;
        methinks I am as if I had none.
    </div>
    <div class="Indented">ᎡᎶᎯ-ᎡᎯ-ᎠᎦᏔᎾᎢ. ᏥᎪ ᏱᏍᏆᏛᏓᏍᏓᏏᏉ ᎢᏳᏃ ᏱᎬᏬᏁᏔᏅ?</div>
    <div class="Indented">
        World. Wilt thou hearken to me if I
        give thee counsel?
    </div>
    <div class="Indented">ᏧᏁᎶᏗ. ᎢᏳ ᎣᏍᏛ ᏱᎩ, ᏱᎬᏯᏛᏓᏍᏓᏏᏉ; ᎤᏣᏘᏰᏃ ᎠᎩᏂᎬᏎ
        ᎣᏍᏛ ᎥᎩᏬᏁᏙᏗᏱ.</div>
    <div class="Indented">
        Chr. If it be good, I will; for I
        stand in need of good counsel.
    </div>
    <div class="Indented">ᎡᎶᎯ-ᎡᎯ-ᎠᎦᏔᎿᎢ. ᎯᎠᏍᎩᏂ ᏄᏍᏗ ᏱᎬᏁᏥ, ᏄᎳᏉ ᏣᏚᎦ Ꮎ
        ᏣᎵᏎᎭ; ᎥᏝ ᏙᎯᏱ ᏴᎦᎭᏓᏅᏓᏓ ᎬᏂ ᎾᏍᎩ ᏱᏂᏣᏛᏁᎸ: ᎠᎴ ᎥᏝ ᎣᏍᏛ ᏣᏓᏅᏓᏗᏍᏗ ᏴᎦᎯᏩᏛ ᎤᏁᎳᏅᎯ
        ᎤᏍᎪᎸᏔᏅ ᎪᎱᏍᏗ ᎲᏗᏍᎬᎢ;</div>
    <div class="Indented">
        World. I would advise thee then, that
        thou with all speed get thyself rid of thy Burden; for thou wilt
        never be settled in thy mind till then; nor canst thou enjoy the
        benefits of the blessing which God hath bestowed upon thee till then.
    </div>
    <div class="Indented">ᏧᏁᎶᏗ. ᎾᏍᎩ ᎠᏗᏃᏅ ᎠᎩᏲᎭ, ᎾᏍᎩ ᎠᎩᏰᏅᏙᎠᎯᏍᏗᏱ ᎯᎠ ᎦᎨᏛ
        ᏥᎦᎵᏎᎭ: ᎥᏝᏍᎩᏂᏃ ᎠᏋᏒᏉ ᏰᎵ ᎬᏆᏰᏅᏕᏍᏗ ᏱᎩ, ᎠᎴ ᎾᏍᎪ ᎥᏝ ᎩᎶ ᏰᎭ ᎠᏴ ᏗᏆᏓᎴᏅ ᎾᏍᎩ ᏰᎵ
        ᎬᎩᏰᏅᏕᏍᏗ; ᎾᏍᎩᏰᏃ ᎢᏳᏍᏗ ᎠᏂ ᏫᏥᎦᏗ, ᏥᎬᏲᏎᎸᎩ, ᎠᎩᏰᏅᏙᎠᎯᏍᏗᏱ ᎠᏆᏚᎵᏍᎬᎢ.</div>
    <div class="Indented">
        Chr. That is that which I seek for,
        even to be rid of this heavy Burden; but get it off myself, I cannot;
        nor is there any man in our country that can take it off my
        shoulders; therefore am I going this way, as I told you, that I may
        be rid of my Burden.
    </div>
    <div class="Indented">ᎡᎶᎯ-ᎡᎯ. ᎦᎪ ᏣᏁᏤᎴ ᎠᏂ ᏣᎶᎯᏍᏗᏱ ᎾᏍᎩ ᏣᏰᏅᏙᎠᎯᏍᏗᏱ
        ᏣᏩᏛᏗᏱ?</div>
    <div class="Indented">
        World. Who bid thee go this way to be
        rid of thy Burden?
    </div>
    <div class="Indented">ᏧᏁᎶᏗ ᎠᏍᎦᏯ ᎣᏍᏛ, Ꮀ ᎤᏣᏘ ᎠᏥᎸᏉᏗᏳ ᎠᏓᏅᏖᏗᏱ:
        ᎠᎵᏣᏙᏂᏙᎯ ᎠᎩᏰᎸ ᏚᏙᎥ.</div>
    <div class="Indented">
        Chr. A man that appeared to me to be
        a very great and honorable person; his name as I remember is <i>Evangelist</i>.
    </div>
    <div class="Indented">ᎡᎶᎯ-ᎡᎯ. Ᏺ, ᏄᏍᏗᎩ ᏣᏬᏁᏔᏅ! ᎥᏝ ᎠᏏ ᎦᏙ ᏱᎬᏩᏍᏗ ᎤᏟ
        ᎤᎾᏰᎯᏍᏗ ᎠᎴ ᎤᏕᏯᏙᏗ ᎦᎶᎯᏍᏗᏱ ᏱᎦᎩ ᎾᏍᎩ ᎯᎠ ᎠᏂ ᏨᏗᏣᏎᎮᎸ; ᎠᎴ ᏔᏕᎶᎰᏏ, ᎾᏍᎩ ᏣᏬᏁᏔᏅ
        ᎢᎯᏍᏓᏩᏕᏒᎭ.</div>
    <div class="Indented">
        World. I beshrew him for his counsel;
        there is not a more dangerous and troublesome way in the world than
        is that unto which he hath directed thee; and that thou shalt find,
        if thou wilt be ruled by his counsel.
    </div>
    <div class="Indented">ᎠᎴ ᎦᏙᎴᎣᏍᎦ ᎦᏳᎳ ᎪᎱᏍᏗ ᏣᎵᏍᏓᏁᎵᏙᎸᎢ; ᎢᏥᎪᏩᏗᏰᏃ ᎦᏳᎳ
        ᏝᏬᏔ ᎢᏣᏓᏅᎵᏰᎥ ᎠᎵᎲᏲᎵᎵᎯᏍᏗᏱ ᎤᏕᏅᎯ; ᎠᏗᎾ ᎾᎿ ᏝᏬᏚᎯ ᏧᏩᎫᏗ ᎠᏓᎴᏂᏍᎬᏉ ᎤᏲ ᎤᎾᏓᏅᏓᏗᏍᏗᏱ ᎨᏒ
        ᎾᏍᎩ ᎾᎿ ᎦᎶᎢᏍᏗ ᎠᏂᏴᏍᏗᏍᎩ; ᎯᎠᏍᎩᏂ ᏄᏍᏗ ᏙᏓᏣᏠᏏᏙᎵ ᎭᎢᏒᎢ, ᏧᏯᏪᎢᏍᏗ, ᎠᎩᎵᏯ, ᎠᎪᏄ,
        ᎤᎾᏰᎯᏍᏗ ᎠᏓᏅᏓᏗᏍᏗ, ᎣᏰᎸᎭᎢ, ᎭᏰᎳᏍᏗ-ᎦᏅᎯᏛ, ᏢᏓᏥ-ᏣᏁᏆ, ᎢᎾᏛ-ᎠᎾᎵ-ᏫᏍᏗᏍᎩ, ᎤᎵᏏᎩ, ᎠᎴ
        ᎯᎠᏉ ᏱᏂᎦᏪᏒ, ᎠᏲᎱᏍᎩ ᎠᎴ ᎾᏍᎩᏉ ᎢᎬᏩᏍᏗᏓᏂ ᏘᏩᏛᏔᏂᏙᎵ!</div>
    <div class="Indented">
        Thou hast met with something (as I perceive) already; for I see the
        dirt of the Slough of <i>Dispond</i> is upon thee; but that Slough is
        the beginning of the sorrows that do attend those that go on in that
        way: Hear me, I am older than thou; thou art like to meet with, in
        the way which thou goest, Wearisomeness, Painfulness, Hunger, Perils,
        Nakedness, Sword, Lions, Dragons, Darkness, and in a word, Death, and
        what not!
    </div>
    <div class="Indented">ᎯᎠᏍᎩᏂ ᏥᎬᏃᏁᎭ ᎤᏙᎯᏳᎯᏯ, ᎤᏂᏣᏔ ᎬᏂᎨᏒ ᎢᏳᏅᏁᎸᎯ. ᎦᏙᏃ
        ᏱᎦᎵᏍᏙᏗ ᏱᏂᎦᎥᏉ ᏴᏓᏓᎡᎦ, ᎠᎴ ᏴᏛᏓᏍᏓᏁ ᏅᎦᏔᎲᎾ?</div>
    <div class="Indented">These things are certainly true, having
        been confirmed by many testimonies. And why should a man so
        carelessly cast away himself, by giving heed to a stranger?</div>
    <div class="Indented">ᏧᏁᎶᏗ. ᎠᏗᏃᎾ ᎯᎠ ᏥᎦᎵᏎᎭ ᎤᏟᎯᏳ ᏂᏥᎾᏰᏍᎦ ᎡᏍᎦᏉ ᏂᎦᏛ
        ᎯᎠ ᏥᏁᎢᏍᏔᏄᎦ; ᎠᎴ ᎥᏝ ᎪᎱᏍᏗ ᎬᎩᎾᏰᎯᏍᏗ ᏱᎩ ᏗᏆᏠᏏᏓᏍᏗᏱ, ᎢᏳᏃ ᏫᎬᎩᏰᏅᏙᎠᎯᏍᏗ ᎢᎬᏩᎵᏍᏙᏗᏉ
        ᏱᎩ ᎯᎠ ᏥᎦᎵᏎᎭ.</div>
    <div class="Indented">
        Chr. Why, Sir, this Burden upon my
        back is more terrible to me than are all these things which you have
        mentioned; nay, methinks I care not what I meet with in the way, so
        be I can also meet with deliverance from my Burden.
    </div>
    <div class="Indented">ᎡᎶᎯ-ᎡᎯ. ᎦᏙᏃ ᏧᎵᏍᏙᏔᏅ ᎾᏍᎩ ᎯᎠ ᏣᎵᏎᎭ?</div>
    <div class="Indented">
        World. How camest thou by thy Burden
        at first?
    </div>
    <div class="Indented">ᏧᏁᎶᏗ. ᎯᎠᏉ ᏥᎪᎵᏰᏍᎬ ᎪᏪᎵ.</div>
    <div class="Indented">
        Chr. By reading this Book in my hand.
    </div>
    <div class="Indented">ᎡᎶᎯ-ᎡᎯ. ᎾᏍᎩᏍᎩᏂ ᏂᎨᎵᏍᎬᎩ; ᎾᏍᎩᏰᏃ ᎤᏂᏣᏔ ᏄᎾᎵᏍᏓᏁᎸ
        ᏗᏂᏩᎾᎦᎳ ᎤᎾᏓᏅᏖᏗᏱ ᎠᏂᏍᎦᏯ, ᎾᏍᎩ, ᏂᎦᎵᏍᏙᏗ ᎤᎾᎵᏌᎳᏁᎲ ᎪᎱᏍᏗ ᎬᏩᏃᎵᏍᏗ ᏂᎨᏒᎾ ᎨᏒᎢ, ᎠᎴ
        ᎤᎵᏍᏗᏉ ᎤᎾᏁᎳᏫᏎᎯ ᏄᏅᏁᎰᎢ; ᎠᎴ ᎾᏍᎩ ᎤᎾᏁᎳᏫᏎᎯ ᎨᏒ ᎬᏂᏳ ᏄᏅᏁᎭ, ᎠᎴᎾ ᎦᏕᎶᎣᏍᎦ ᎾᏍᎩ ᏂᎯ
        ᏂᏨᏁᎲᎢ, ᎠᎴ ᎬᏍᎦᎢᏍᏓᎩ ᎾᎾᏛᏁᎰ, ᎠᎴ ᎤᏂᏲᎰ ᎪᎱᏍᏗ ᎾᏂᎦᏔᎲᎾ ᎢᏳᏍᏗ ᎨᏒᎢ.</div>
    <div class="Indented">
        World. I thought so; and it is
        happened unto worldly thee as to other weak men, who meddling with
        things too high for them, do suddenly fall into thy distractions;
        which distractions do not only unman men men (as thine I perceive has
        done thee), but they run them upon desperate ventures, to obtain they
        know not what.
    </div>
    <div class="Indented">ᏧᏁᎶᏗ. ᎠᏴᏍᎩᏂ ᏥᎦᏔᎭ ᎢᏳᏍᏗ ᎠᎩᏲᎲᎢ; ᏙᎯᏱᏍᎩᏂ
        ᎠᏆᏓᏅᏓᏗᏍᏗᏱ ᎯᎠ ᎦᎨᏛ ᏥᎦᎵᏎᎭ ᎠᎩᏲᎭ.</div>
    <div class="Indented">
        Chr. I know what I would obtain; it
        is ease for my heavy burden.
    </div>
    <div class="Indented">
        <div class="pull-right">
            <p>
                <br />
            </p>

        </div>

    </div>
    <div class="Indented">
        <div class="pull-right">
            <img class="embedded" src="https://steemitimages.com/DQmZ4NtUWbc81wdnxxaKLYwRyQpWNn9yvdBzuT2nEHcQq52/image.png"
                alt="figure artwork/illustrations.jpg/012.jpg"
                style="width: 70%; max-width: 2650px; height: auto; max-height: 1607px;" />

        </div>

    </div>
    <div class="Indented">ᎡᎶᎯ-ᎡᎯ. ᎦᏙᏃ ᎠᏂ ᎢᏣᏲᎭ ᏙᎯᏱ ᏣᏓᏅᏓᏗᏍᏗᏱ, ᏂᎦᎥᏃ
        ᎤᎾᏰᎯᏍᏗ ᎠᏓᏅᏓᏗᏍᏗ ᎠᏩᏛᏔᏂᏓᏍᏗ ᎠᏂ ᎥᎢᏒᎢ? ᎢᏳᏰᏃ ᏰᎵ ᎨᏣᏛᏓᏍᏙᏗ ᏱᎩ ᏱᎬᏯᏎᎯᏏ ᎢᏣᏛᏁᏗ
        ᏣᏩᏛᏗᏱ ᎾᏍᎩ ᏥᏣᏲᎭ, ᎠᎴ ᎥᏝ ᎾᏍᎩ ᎢᎦᎢ ᎤᎾᏰᎯᏍᏗ ᏣᏩᏛᏔᏂᏓᏍᏗ ᏱᏅᎦᎵᏍᏓ, ᎠᎴᏃᎾ ᎡᏍᎦᏂᏳᏉ ᎡᎭ
        ᎤᏓᏗᏫᏍᏙᏗ. ᎠᎴᏃ ᎠᏏ ᏴᏥᏁᏉᏣ, ᎯᎠ ᏱᏅᏥᏫ, ᎯᎠ ᎤᎾᏰᎯᏍᏗᏉ ᏣᏩᏛᏔᏂᏓᏍᏗ ᏥᏂᎦᎵᏍᏗᎭ, ᎯᎠ ᏱᏄᏍᏗ
        ᏱᏩᏛᏔᏂᏙᎭ, ᏙᎯᏱ, ᏣᎵᎢ, ᎠᎴ ᏙᎯᏱ ᏣᏓᏅᏓᏗᏍᏗ ᎨᏒᎢ.</div>
    <div class="Indented">
        World. But why wilt thou seek for
        ease this way, seeing so many dangers attend it? Especially, since
        (hadst thou but patience to hear me) I could direct thee to the
        obtaining of what thou desirest, without the dangers that thou in
        this way wilt run thyself into; yea, and the remedy is at hand.
        Besides, I will add, that instead of those dangers, thou shalt meet
        with much safety, friendship, and content.
    </div>
    <div class="Indented">ᏧᏁᎶᏗ. ᏅᏗᎦ ᏍᎩᏃᎲᏏ.</div>
    <div class="Indented">
        Chr. Pray Sir, open this secret to
        me.
    </div>
    <div class="Indented">ᎡᎶᎯ-ᎡᎯ. ᎰᏩᏉ, ᎢᏢᏉᏍᎩᏂ ᏥᎦᏚᎭ (ᎠᏎ ᎣᏓᏅᏗᏉ ᏱᎩ
        ᏥᏚᏙᎥ) ᎾᎿ ᎡᎭ ᎣᏍᏛ ᎠᏍᎦᏯ ᏚᏳᏙᏛ-ᎢᏯᏛᏁᎯ ᏚᏙᎥ, ᎾᏍᎩ ᎠᏍᎦᏯ ᎠᏏᎾᏌᏂᏳ, ᎠᎴ ᎣᏏᏳ ᎠᎦᏓᏅᏖᏗᏱ,
        ᎠᎴ ᎠᏏᎾᏏᏳ ᏧᏪᏰᏅᏕᏍᏗᏱ ᎠᏂᏍᎦᏯ ᎾᏍᎩᏯ ᏂᎯ ᏥᏂᏨᏅ ᎢᏧᏅᎿ; ᎠᎴ ᎠᏋᏒ ᏥᎦᏔᎭ ᎤᏣᏔ ᎾᏍᎩ ᎯᎠ
        ᎢᏳᏍᏗ ᎣᏏᏳ ᏂᏚᏛᏁᎸ; ᎠᎴᏃ ᎤᏣᏘ ᎠᏏᎾᏌᏂᏳ ᏧᏅᏬᏗᏱ ᏓᎾᎵᏎᎲ ᎤᏍᏗᎩᏛ ᏧᏂᎸᏃᏙᏗᏍᎩ ᏥᎨᏐᎢ.
        ᎾᏍᎩᏰᏃ, ᏥᎬᏲᏎᎭ, ᏱᏫᎷᏤᎸ, ᏞᎩᏳ ᏱᏣᏍᏕᎸ. ᎥᏝ ᏑᏟᎶᏛ ᏱᎩ ᏗᎦᏁᎸᎢ; ᎠᎴᏃ ᏄᏬᎸᎾ ᏱᎩ ᎤᏩᏒ, Ꮀ
        ᎬᏂᎦᎵᏍᏗ ᎤᏪᏥ ᎠᏫᏅ ᎡᎭ ᎤᏙᎵᏍᏙᏍᏛ ᏚᏙᎥ, ᎾᏍᎩᏯᏉ ᎾᏍᏉ ᎤᏛᏐᏅᎯ ᎢᎬᏩᏛᏁᏗ ᎨᏒ ᏱᎾᏛᎦ:
        ᎾᎿᏉᏍᎩᏂ, ᎬᏲᏎᎭ, ᏱᏣᏰᏅᏙᎠᏏᎦ; ᎠᎴ ᎢᏳ ᎨᏣᏨᏍᏗᏉ ᏂᏣᏰᎸᏒᎾ ᏱᎩ Ꭰ ᎢᏣᏕᏅᎢ, (ᎠᎴᎾ ᎥᏝ ᏱᎤᏨᏒᏉ
        Ꮀ ᏱᎨᎵᎭ,) ᏳᏫᏙᎯᏯᏅᏉ ᏣᏓᎵᎢ ᎠᎴ ᏗᏤᏥ ᏗᏂᏲᎵ ᎾᎿ ᎦᏚᎲ ᏱᏙᎭᏘᏃᎦ, ᎠᎴ ᎾᎿ ᎤᏣᏔ ᏓᏓᏁᎸ ᏧᏏᏩ,
        ᎠᎴ ᎥᏝ ᎦᎶᏒᏍᏔᏅᎯ ᏱᏙᎦᏰᏣᎬᏩᎶᏓᏏ ᎭᏙᎳᏍᎬᎢ: ᎠᎴ ᎤᏣᏔᏉ ᎣᏍᏛ ᎡᎭ ᎾᎿ ᎠᎵᏍᏓᏴᏗ ᎠᎴ ᎦᏲᎵᏉ
        ᏧᎬᏩᎶᏗ; ᎠᎴᏃᎾ ᎤᏟ ᎢᎦᎢ ᎣᏍᏛ ᎤᏓᏅᏓᏗᏍᏗ ᏣᏓᎵᎢ ᎢᏳᏩᏁᎯ, ᎤᎶᏗᏢᏉ ᎯᏁᎴᏍᏗ ᎠᏃᏍᏛ ᎾᎥ ᎢᏣᏓᎵ
        ᏓᏂᏁᎸᎢ, ᎠᎴ ᎣᏏ ᎨᏣᏓᏅᏖᏗᏱ ᎨᏎᏍᏗ.</div>
    <div class="Indented">
        World. Why in yonder Village (the village is named <i>Morality</i>)
        there dwells a Gentleman whose name is <i>Legality</i>, a very
        judicious man, and a man of very good name, that has skill to help
        men off with such burdens as thine are from their shoulders: yea, to
        my knowledge he hath done a great deal of good this way; ay, and
        besides, he hath skill to cure those that are somewhat crazed in
        their wits with their burdens. To him, as I said, thou mayest go, and
        be helped presently. His house is not quite a mile from this place,
        and if he should not be at home himself, he hath a pretty young man
        to his Son, whose name is <i>Civility</i>, that can do it (to speak
        on) as well as the old Gentleman himself; there, I say, thou mayest
        be eased of thy Burden; and if thou art not minded to go back to thy
        former habitation, as indeed I would not wish thee, thou mayest send
        for thy Wife and Children to thee to this village, where there are
        houses now stand empty, one of which thou mayest have at reasonable
        rates; Provision is there also cheap and good; and that which will
        make thy life the more happy is, to be sure there thou shalt live by
        honest Neighbors, in credit and good fashion,
    </div>
    <div class="Indented">ᎿᏉᏃ ᏧᏁᎶᏗ ᎤᏍᏗᎩᏛ ᏧᏢᏫᏛ ᏄᎵᏍᏓᏁᎸ; ᎠᏎᏃ ᎥᏝ ᏳᏬᎯᏤ ᎿᏉ
        ᏚᏭᎪᏔᏅ, ᎯᎠ ᏄᏪᏒᎩ, ᎢᏳᏃ ᏳᏙᎯᏳ ᎯᎠ ᎠᏍᎦᏯ ᏥᏂᎦᏪᎠ, ᎤᏗᏢᏉ ᎨᎵ ᏱᏚᏳᎪᏗ ᎾᎩᏪᏎᎸᏉ ᏱᎾᏆᏛᏁᎸ:
        ᎾᏍᎩ ᎯᎠ ᏚᏭᎪᏔᏅ ᎯᎠ ᎠᏏ ᏄᏪᏒᎩ.</div>
    <div class="Indented">Now was Christian somewhat at a stand, but
        by presently he concluded, If this be true which this Gentleman hath
        said, my wisest course is to take his advice; and with that he thus
        farther spoke.</div>
    <div class="Indented">
        <p>
            <br />
        </p>
        
    </div>
    <div class="Indented">
        <div class="pull-right">
            <img class="embedded"                   src="https://steemitimages.com/DQmYVpGbFXzqka3vKwz28jcFqYKAWXWGsyd1JTcieG7e6m4/image.png"
                alt="figure /home/mjoyner/Documents/ᏣᎳᎩ/Lessons/Pilgrims-Progress/artwork/illustrations.jpg/013.jpg"
                style="width: 30%; height: auto;" />
        </div>
    </div>
    <div class="Indented">ᏧᏁᎶᏗ. Ꭷ, ᎭᏢᏕᏃ ᏫᎦᏅᎿ ᎯᎠ ᎤᏓᏅᏗ ᎠᏍᎦᏯ ᏗᎦᏁᎸᎢ?</div>
    <div class="Indented">
        Chr. Sir, which is my way to this
        honest man’s house?
    </div>
    <div class="Indented">ᎡᎶᎯ-ᎡᎯ. ᎯᎪᏩᏗᏍᎪ Ꮎ ᏨᏧᏌᎯᎳ?</div>
    <div class="Indented">
        World. Do you see yonder high Hill?
    </div>
    <div class="Indented">ᏧᏁᎶᏗ. ᎥᎥ, ᎣᏏ ᏥᎪᏩᏘᎭ.</div>
    <div class="Indented">
        Chr. Yes, very well.
    </div>
    <div class="Indented">ᎡᎶᎯ-ᎡᎯ. ᎾᎿ ᎣᏓᎷᎶᏗ ᏫᏣᎶᎯᏍᏗ; ᎢᎬᏱᏱᏉᏃ ᎠᏓᏁᎸ ᏫᎷᏥᎸ
        ᎾᏍᎩ ᎦᏁᎸ.</div>
    <div class="Indented">
        World. By that Hill you must go, and
        the first house you come at is his.
    </div>
    <div class="Indented">ᎾᏍᎩᏃ ᏧᏁᎶᏗ ᎤᏞᏒ ᎤᏕᏙᏩᏗᏒ ᏚᏳᎪᏛᏧᎸᏫᏍᏓᏁᎯ ᏗᎦᏁᎸ ᏭᎶᏒ
        ᎤᏍᏕᎸᏗᏱ ᎤᏲᎸᏒᎩ: ᎠᏎᏃ, ᎬᏂᏳᏉ, ᎢᏳᏃ ᎣᏓᎷᎶᏗ ᏭᎷᏥᎸ ᎣᏣᏗᏉ ᎦᎸᎳᏗ ᏂᎦᏙ ᏅᏩᏍᏙᎢ, ᎠᎴ ᎾᏍᏉ
        ᎦᏅᏅ ᎢᏗᏢ ᎦᏍᎩ ᎢᏅᎯᏳ ᏧᎬᎮᏩᏙᎢ, ᎾᏍᎩᏃ ᏧᏁᎶᏗ ᎠᏍᎦᎢᎰᏉ ᎤᏗᏢ ᎾᎥ ᏭᎷᎯᏍᏗᏱ, ᎬᏩᏐᎥᏍᏗᏉᏰᏃ
        ᏅᏩᏍᏙ ᏓᎧᏂᏍᎬᎢ; ᎾᏍᎩᏃ ᎢᏳᏍᏗ ᎦᏙᎪᏉ, ᎠᎴ ᎤᏠᎪᏉ ᎢᏳᏛᏁᏗᏱ. ᎠᎴ ᎿᏉ ᎠᎵᏎᎲ ᎤᏗᏢ ᏂᎦᎨᏐ ᏅᏩᏍᏙ
        ᎡᏍᎦᏉ ᎠᏏ ᎾᏞᏍᎬᎾ ᏥᎨᏒᎩ. ᎠᎴ ᎿᏉ ᎠᏥᎸ ᏙᏗᎦᎾᏄᎪᎪ ᎤᏌᎯᎸᎢ, ᎾᏍᎩᏃ ᎿᏉ ᎤᏗᏢ ᎾᏍᎦᎢᎰ ᏧᏁᎶᏗ
        ᎠᎴ ᏓᏥᎴᏴᏏᏉ ᎡᎵᏍᎪᎢ; ᎠᎴ ᎠᎵ ᎬᏩᎰᏅᎯ ᎦᏙᎪᎢ, ᎠᎴ ᎤᏪᎾᏫᏍᎪ ᎠᏍᎦᎢᎲᎢ.</div>
    <div class="Indented">
        So <i>Christian</i> turned out of his way to go to Mr <i>Legality’s</i>
        house for help; but behold, when he was got now hard by the Hill, it
        seemed so high, and also that side of it that was next the wayside,
        did hang so much over, that Christian was afraid to venture further,
        lest the Hill should fall on his head; wherefore there he stood
        still, and he wot not what to do. Also his Burden <i>now</i> seemed
        heavier to him than while he was in his way. There came also flashes
        of fire out of the Hill, that made Christian afraid that he should be
        burned. Here therefore he sweat and did quake for fear.
    </div>
    <div class="Indented">ᎠᎴ ᎿᏉ ᎤᎴᏅᎲ ᎤᏲ ᎤᏰᎸᏐ ᎤᏬᎯᏳᏅ ᎡᎶᎯ-ᎡᎯ-ᎠᎦᏔᎿᎢ
        ᎤᏬᏁᏔᏅᎢ; ᎠᎴ ᎿᏉ ᏫᏅᎬᏩᎪᎲ ᏙᏛᎤᏠᏏᏒ ᎠᎵᏣᏙᏂᏙᎯ, ᎠᎴ ᎤᎪᎲᏉ ᎤᎴᏅᎲ ᎠᏕᎰᏍᎬᎢ. ᎾᏍᎩᏃ
        ᎠᎵᏣᏙᏂᏙᎯ ᎡᏍᎦ ᏗᎦᏙᎢ, ᎠᎴ ᎦᏙᎬ ᎢᏗᏢ ᏗᎦᏙ ᏣᎢᏒᎢ, ᎠᎴ ᎤᎾᏰᎯᏍᏗᏳ ᏚᎧᏂᏍᎬ ᎨᏐᎢ, ᎠᎴ ᎿᏉ
        ᎤᎴᏅᎲ ᎤᏬᏁᏔᏅ ᏧᏁᎶᏗ.</div>
    <div class="Indented">
        And now he began to be sorry that he had taken Mr <i>Worldly
            Wiseman’s</i> counsel. And with that he saw <i>Evangelist</i> coming to
        meet him; at the sight also of whom he began to blush for shame. So <i>Evangelist</i>
        drew nearer and nearer; and coming up to him, he looked upon him with
        a severe and dreadful countenance, and thus began to reason with <i>Christian</i>.
    </div>