</div>

    </div>
    <div class="Indented">ᎾᎥᏃ ᎢᏳᎾᏓᎵ ᎾᏍᏉ ᏫᎬᏩᎦᏙᏍᏔᏅ ᏩᏗᏟᏒᎢ, ᏩᏗᏟᏒᏃ, ᎢᎦᏛ
        ᎬᏩᏐᏢᎢᏍᏗᏍᎪᎢ, ᎢᎦᏛᏃ ᎬᏩᏍᎦᎪᎢ, ᎢᎦᏛᏃ ᎡᏥᎭᏨᎾ ᏫᎬᏬᏎᎰᎢ; ᎾᏍᎩᏃ ᎯᎠ ᎢᏯᎾᏛᏁᎯ, ᎠᏂᏔᎵᏃ ᎿᏉ
        ᏚᏄᎪᏔᏅ ᎬᏍᎦᎢᏍᏓᎩ ᏅᏓᎬᏩᏨᏍᏙᏗᏱ. ᏐᎢᏃ ᎯᎠ ᏄᏍᏛ ᏚᏙᎥᎩ, ᎬᏩᏟᏍᏛ-ᎤᏬᎯᏳᏗᏱ, ᏐᎢᏃ ᎤᏬᎯᏳᎯᏍᏛ
        ᏚᏙᎥᎩ.</div>
    <div class="Indented">
        The Neighbors also came out to see him run; and as he ran, some
        mocked, others threatened, and some cried after him to return; and
        among those that did so, there were two that resolved to fetch him
        back by force. The name of the one was <i>Obstinate</i>, and the name
        of the other <i>Pliable</i>.
    </div>
    <div class="Indented">ᎾᏍᎩ ᎠᏗᎾ ᎯᎠ ᏄᏬᎯᏨ ᎿᏉ ᎢᏅᎯ ᏰᎵ ᏩᏘᏟᏒᎩ. ᎠᏗᎾ ᎠᏎ
        ᎬᏩᎨᎲᏍᏗᏱ ᏚᏄᎪᏛᎢ, ᎬᏩᎨᎮᏅᏃ, Ꮭ ᏳᏬᎯᏤ ᎿᏉ ᏮᎬᏩᏢᏔᎲᎩ. ᎿᏉᏃ ᎠᏍᎦᏯ ᎯᎠ ᏂᏚᏪᏎᎸᎩ, “ᎦᏙᏉ
        ᎢᏍᏗᏲᎵᎦ?” ᎯᎠᏃ ᏂᎬᏩᏪᏎᎸᎩ, ᎥᏣᏨᏍᏗᏱ ᏍᏛᏍᏗᏰᏔᏂᎦ;” ᎯᎠ ᏂᏚᏪᏎᎸᎩ, “ᎠᏎᏃ ᎥᏝ ᎾᏍᎩ
        ᏱᏅᎦᎵᏍᏓ” ᏗᏍᏕᎬᏰᏃ ᏥᎦᏚᎭ ᎠᏲᎩᏉ ᎨᏒᎢ; ᎠᎴ ᎠᏴ ᎾᏍᏉ ᎾᎿ ᎠᏆᏕᏅᎯ: ᎠᎴ ᏥᎦᏔᎭ ᎤᏙᎯᏳᏒ ᎾᎿ
        ᏙᏓᏍᏗᏲᎱᏏ ᎢᎸᎯᏳᏉ ᏙᏓᏍᏗᏃᏴᏥ, ᎠᎴ ᎥᏝ ᏗᏓᏂᏐᏗᏱᏉ ᎢᏴ ᏱᎨᏎᏍᏗ, ᎡᎳᏗᏍᎩᏂ ᎠᏥᎸᏱ ᏗᏓᏪᎵᎩᏍᎬ
        ᎢᏴᏛ, Ꭷ, ᏍᏓ ᎦᎵᏴᎾᏉᏲᎪ ᎢᏕᎾᏉ.</div>
    <div class="Indented">
        Now by this time the Man was got a good distance from them; but
        however they were resolved to pursue him, which they did, and in a
        little time they overtook him. Then said the Man, Neighbors,
        wherefore are you come? They said, To persuade you to go back with
        us. But he said, That can by no means be; you dwell, said he, in the
        City of <i>Destruction</i>, the place also where I was born, I see it
        to be so; and dying there, sooner or later, you will sink lower than
        the Grave, into a place that burns with Fire and Brimstone: be
        content, good Neighbors, and go along with me.
    </div>
    <div class="Indented">ᏄᏬᎯᏳᎯᏒᎾᏃ ᎯᎠ ᏄᏪᏒᎩ. ᎦᏙᏃ, ᏥᎪᏃ ᏙᏓᏲᏍᏛᏕᏥ ᎣᎦᎵᎢ ᎠᎴ
        ᎪᎱᏍᏗ ᎣᏍᏛ ᎣᎩᎾᏓᏅᏓᏗᏍᏗ ᎣᎩᏂᎲᎢ!</div>
    <div class="Indented">
        Obst. What, said <i>Obstinate</i>,
        and leave our friends and our comforts behind us!
    </div>
    <div class="Indented">ᎥᎥ, ᎤᏛᏅ ᏧᏁᎶᏗ, (ᎾᏍᎩᏰᏃ ᏄᏍᏛ ᏚᏙᎥᎩ,) ᎯᎠᏍᎩᏂ
        ᏥᏍᏛᏕᎦ ᎥᏝ ᏗᎬᏟᎶᏍᏙᏗ ᏱᎩ, ᏄᏍᏛᏃ ᎠᏴ ᎠᎩᏲᎵᏒᎢ. ᎠᎴ ᎢᏍᏙᎯᏳᏅᎭ ᏄᏍᏛᏉ ᎠᏴ ᎠᏆᏤᎵ ᎢᏳᎵᏍᏙᏗ
        ᎨᏒ ᎤᏠᏱᏉ ᎾᏍᏉ ᏍᏓᏤᎵ ᏅᏓᎦᎵᏔᏂ, ᎾᎿᏰᏃ ᏥᏫᏥᎦᏘ ᎥᏝ ᏰᎵᏉ ᏗᎩᏰᎵᎯᏍᏗ ᎢᎦᎢ ᏴᏗᎭ, ᎤᏗᏗᏢᏍᎩᏂ
        ᎢᎦᎢ ᏗᏍᏆᏂᎪᏗ, ᏁᏗᎦ ᎢᏕᎾ ᏫᏍᏓᏙᎴᎰᏏᏓᏃ ᎯᎠ ᏥᏂᏥᏪᎭ.</div>
    <div class="Indented">
        Chr. Yes, said Christian, for that
        was his name, because that <i>all</i> which you shall forsake is not
        worthy to be compared with a <i>little</i> of that that I am seeking
        to enjoy; and if you will go along with me and hold it, you shall
        fare as I myself; for there where I go, is enough and to spare: Come
        away, and prove my words.
    </div>
    <div class="Indented">ᏄᏬᎯᏳᎯᏒᎾᏃ ᎯᎠ ᏄᏪᏒᎢ. ᎦᏙᏃ ᎤᏍᏗ ᏣᏲᎴᎦ, ᎾᏍᎩ ᏂᎦᎵᏍᏙᏗ
        ᏂᎦᏗ ᎡᎶᎯ ᏥᏕᏣᏲᏍᎦ?</div>
    <div class="Indented">
        Obst. What are the things you seek,
        since you leave all the world to find them?
    </div>
    <div class="Indented">ᏧᏁᎶᏗᏃ ᎯᎠ ᏄᏪᏒᎩ. ᎠᏕᏗᏱᏍᎩᏂ, ᎠᏲᎩ, ᎠᎴ ᎠᎦᏓᎯᏲᎩ, ᎠᎴ
        ᎠᏍᎪᎸᎩ ᏂᎨᏒᎾ, ᎦᎸᎳᏗ ᏗᏍᏆᏂᎪᏗ, ᎬᏩᏲᎢᏍᏗ ᎠᎴ ᏂᎨᏒᎾ, ᎠᎴ ᎨᏥᏁᏗ ᏅᏓᎦᎵᏍᏔᏂ, ᎢᏳ ᎿᏉ
        ᎠᏍᏆᎸᎲᎭ, ᎾᏍᎩ ᎤᎾᎵᏂᎬᏁᎸᎯ, ᏁᏗᎦ ᏍᏗᎪᎵᏯ ᎯᎠ ᎪᏪᎵ ᏥᏥᏁᎭ.</div>
    <div class="Indented">
        Chr. I seek an <i>Inheritance
            incorruptible</i>, <i>undefiled</i>, <i>and that fadeth not away</i>,
        and it is laid up in Heaven, and safe there, to be bestowed at the
        time appointed, on them that diligently seek it. Read it so, if you
        will, in my Book.
    </div>
    <div class="Indented">ᏄᏬᎯᏳᎯᏒᎾᏃ ᎯᎠ ᏄᏪᏒᎩ. Ꭱ, ᎤᏟ ᏫᏣᏓᏅᎦ Ꮎ ᎪᏪᎵ ᏥᏁᎭ;
        ᏛᎭᏨᏏᏧ ᎥᏝᎨ?</div>
    <div class="Indented">
        Obst. Tush, said <i>Obstinate</i>, away with your Book; will you go
        back with us or no?
    </div>
    <div class="Indented">ᏧᏁᎶᏗᏃ ᎯᎠ ᏄᏪᏒᎩ. ᎥᏝ, ᎯᎠᏰᏃ ᏂᎦᎵᏍᏙᏗᎭ, ᎿᏉᏰᏃ
        ᎦᏓᎷᎪᏗ ᏓᎩᏂᏴᎲ.</div>
    <div class="Indented">
        Chr. No, not I, said the other,
        because I have laid my hand to the Plow.
    </div>
    <div class="Indented">ᏄᏬᎯᏳᎯᏒᎾᏃ ᎯᎠ ᏄᏪᏒᎩ, Ꭷ, ᏦᎯᏳᎯᏍᏛ, ᏗᎩᏁᏅᏒᏉᏃ ᏮᏛᏂᎶᏏ
        ᎩᏅᏒ. ᎠᏁᎭᏰ ᎯᎠ ᏧᏂᎸᏃᏘᏍᎩ ᎢᏳᏃ ᎪᎱᏍᏗ ᎠᎾᏓᏅᏛᎵ ᎤᏟ ᎠᏂᎦᏔᎿᎢᏳ ᎤᎾᏤᎸᎭ, ᎡᏍᎦᏉ ᎦᎵᏉᎩ ᎢᏯᏂᏛ
        ᎠᏂᏍᎦᏯ ᎠᏂᎦᏔᎿᎢ ᎠᎴ ᎣᏍᏛ ᏗᎬᏩᏃᏏᏐᏗ ᏥᎨᏐᎢ.</div>
    <div class="Indented">
        Obst. Come then, Neighbor <i>Pliable</i>,
        let us turn again, and go home without him; there is a company of
        these craz’d-headed coxcombs, that, when they take a fancy by the
        end, are wiser in their own eyes than seven men that can render a
        reason.
    </div>
    <div class="Indented">ᎤᏬᎯᏳᎯᏍᏛᏃ ᎯᎠ ᏄᏪᏒᎩ. ᎥᏞᏍᏗ ᎦᎯᏐᏢᏔᏅᏉ, ᎢᏳᏰᏃ ᎯᎠ
        ᎤᏓᏅᏘ ᎠᎴ ᏧᏁᎶᏗ ᏥᏂᎦᏪ ᏳᏙᏱᏳᎭ, ᎣᏏᏍᎩᏂ ᎤᏲᎭ ᎡᏍᎦᏉ ᎠᏴ ᎩᏂᏲᎲᎢ; ᎠᏴᏍᎩᏂ ᏗᏆᏓᏅᏛ ᎢᏴᏛ
        ᎠᏆᎦᎵᏴᎾᏁᏉ ᎣᎩᏁᏅᏍᏗ ᎯᎠ ᎣᎩᎾᎵᎢ.</div>
    <div class="Indented">
        Pli. Then said <i>Pliable</i>, Don’t
        revile; if what the good <i>Christian</i> says is true, the things he
        looks after are better than ours; my heart inclines to go with my
        Neighbor.
    </div>
    <div class="Indented">ᏄᏬᎯᏳᎯᏒᎾᏃ ᎯᎠ ᏄᏪᏒᎩ. Ᏺ. ᏥᎪ ᎠᏂᏁᏉᎦᏉ ᎠᏏ ᎤᏂᏁᎫ!
        ᏍᏉᎯᏳᎲᎦᏉᏲᎪ ᎠᏴ ᏥᎾᏨᎾᏉ; ᏝᏰᏃ ᎩᎶ ᏱᎬᎦᏔᎭ ᎾᎿ ᏫᏣᏘᏅᏍᏙᏗᏱ ᎯᎠ ᎤᏅᏥᏙᎯ ᎤᏢᎩ ᏥᏣᏘᏁᎦ.
        ᏥᎭᏨᎾᏉ ᏥᎭᏨᎾᏉᏲᎪ; ᎣᏏᏃ ᏰᎵ ᏣᏓᏅᏖᏗᏱ ᎨᏎᏍᏗ.</div>
    <div class="Indented">
        Obst. What! more fools still? Be
        ruled by me, and go back; who knows whither such a brain-sick fellow
        will lead you? Go back, go back, and be wise.
    </div>
    <div class="Indented">ᏧᏁᎶᏗᏃ ᎯᎠ ᏄᏪᏎᎸ ᎤᏬᎯᏳᎯᏍᏛ. ᎠᏩᏛᏗᏍᎩᏂ ᎯᎠ ᏥᏥᏁᎢᏍᏗᎭ,
        ᎠᎴ ᎤᏗᏢᏍᏙᏗ ᎢᎦᎢ ᎦᎸᏉᏗᏳ ᎠᏩᏛᏗ. ᎢᏳ ᎠᎴ ᎠᏴ ᏍᎩᎳᏏᏘᏍᎨᏍᏗ, ᎠᏂ ᎯᎠ ᎪᏪᎵᎯ ᎯᎪᎵᏯ; ᎠᎴᏃ ᎯᎠ
        ᏥᏂᎦᏪ ᎤᏙᎯᏳᏒ ᎨᏒᎢ, ᎬᏂᏳᏉ, ᎤᏁᏨᎯ ᎤᏩᏒ ᎤᎩᎬ ᎬᏂᎨᏒ ᏄᏩᏁᏔᏅ.</div>
    <div class="Indented">
        Chr. Come with me, Neighbor <i>Pliable</i>;
        there are such things to be had which I spoke of, and many more
        Glories besides. If you believe not me, read here in this Book; and
        for the truth of what is exprest therein, behold, all is confirmed by
        the blood of Him that made it.
    </div>
    <div class="Indented">ᎤᏬᎯᏳᎯᏍᏛᏃ ᎯᎠ ᏄᏪᏎᎸ ᏄᏬᎯᏳᎯᏒᎾ. ᎿᏉ ᎠᏴ ᏕᎫᎪᏗᏉᏃ,
        ᏓᏲᏍᏕᏏᏉ ᎯᎠ ᎤᏓᏅᏘ ᎠᏍᎦᏯ, ᎠᎴ ᎢᏳᎵᏍᏓᏁᏗᏉ ᎨᏒ ᎢᏯᏆᎵᏍᏓᏁᎵᏓᏍᏗ ᎨᏎᏍᏗ. Ꭷ, ᏣᏓᏅᏘ ᎩᎾᎵᎪᎯ,
        ᎯᎦᏔᎭᏍᎪᏃ ᏫᎦᎶᎯᏍᏗᏱ ᎾᎿ ᏥᏫᎦᏘ?</div>
    <div class="Indented">
        Pli. Well, Neighbor <i>Obstinate</i>,
        said <i>Pliable</i>, I begin to come to a point: I intend to go along
        with this good man, and to cast in my lot with him: but, my good
        companion, do you know the way to this desired place?
    </div>
    <div class="Indented">ᏧᏁᎶᏗᏃ ᎯᎠ ᏄᏪᏒᎩ. ᎠᎵᏣᏙᏂᏙᎯ ᏧᏙᎢᏛ ᎠᏆᏎᎮᎸ ᎤᏍᏗ
        ᎦᎶᎯᏍᏗ ᏗᎪᏢᏒ ᏩᎩᎶᎯᏍᏗᏱ Ꭰ ᏫᏂᎦᏛ ᎢᏗᏢ, ᎾᎿ ᎣᏍᏛ ᏓᏰᎩᏂᏃᏁᎵ ᏫᎩᏂᎶᎯᏍᏗᏱ.</div>
    <div class="Indented">
        Chr. I am directed by a man, whose
        name is <i>Evangelist</i>, to speed me to a little Gate that is
        before us, where we shall receive instructions about the way.
    </div>
    <div class="Indented">ᎤᏬᎯᏳᎯᏍᏛᏃ ᎯᎠ ᏄᏪᏒᎩ. Ꭷ ᏣᏓᏅᏘ ᎩᎾᎵᎢ ᎢᎾᎢᏎᏍᏗᎪᎦᏃ.
        ᎿᏉᏃ ᏫᏚᎾᏓᏴᎸᏔᏅᎩ.</div>
    <div class="Indented">
        Pli. Come then, good Neighbor, let us
        be going. Then they went both together.
    </div>
    <div class="Indented">ᏄᏬᎯᏳᎯᏒᎾᏃ ᎯᎠ ᏄᏪᏒᎩ. ᎠᏴᏃ ᏛᎦᏨᏏᏉᏃ, ᎥᏝ ᎿᏉ
        ᏲᎩᎾᎵᎪᏌᏗᏎᏍᏗ ᎤᎴᎾᎯᏛ ᎤᏓᏅᏛᎢ.</div>
    <div class="Indented">
        Obst. And I will go back to my place,
        said <i>Obstinate</i>; I will be no companion of such mis-led,
        fantastical fellows.
    </div>