琴日食飯前雖然收左張比較大既單,但原來都冇撚用既,到下午通知廠既時候,佢地一句彈返返黎話手上現有個啲單都做唔切啦喎,仲講乜鬼新單....就係咁....琴日我做到謝晒返屋企,今日都係謝晒咁返工
不過正正因為太攰,先會enjoy每日返工之前既早餐,今日都係食返菠蘿油腸仔蛋,再黎返杯咖啡,例牌食完我就出去外一邊食煙一邊睇新聞嘆我既咖啡
近排香港疫情終於回落返去一日30單左右,聽講下個月一號會做全民檢測喎,不過晒鳩氣啦,做完又冇健康碼,我做乜要同人迫,容乜易檢測站有個隱形病人我咪捉蟲.等佢真係有健康碼個陣,我自己比錢去做測試算數
今日返到公司,繼續去搞一堆麻煩野,除左琴日個單貨會甩期之外,今日仲有另一單要比客人驗貨,呵呵,一講到驗貨就頭都大埋,唔知係咪近年經濟唔好,班仆街鐘意無事搵事黎講,小小野都話你唔合格.朝早我已經心掛掛架啦,覺得下午驗貨冇咁順利.
就係咁我就心不在焉hea到放lunch, 今日自己食,加上都冇乜mood, 就求其去老麥食算數.....等就等十多分鐘,吃就吃5分鐘....我真係吹脹囉....
食完我就返公司follow驗貨單野,不出所料,臨收工前先同你講,驗貨衰左.不過都預左架啦,唯有即刻出email比客睇下可唔可以照走貨啦.出完email,乜都唔想諗,收工走人
我好似都成兩個月無剪頭髮,趁今日準時收工,一於剪個靚頭先返去,今日好好彩唔使等,一入去就有得剪.剪完即刻上樓沖涼洗頭食飯,寫埋post,正式收工, 享受weekend
