ကျန်းမာရေး သတိပြု

မီးမလာတော့ လက်နဲ့ပဲကြိတ်တဲ့ ကြံရည်လေး။ ကြံချောင်းကို တစ်ယောက်က ထည့်ပေးပီး တစ်ယောက်က လက်နဲ့ လှည့်ကြိတ်နေပါတယ်။ ခုလို ပူအိုက်တဲ့ နွေရာသီမှာ ကြံရည်အေးအေးလေးက အမောပြေလေးပါ။ သဘာဝချိုချိုလေးနဲ့ သံပုရာသီးအနံ့ မွှေးမွှေးလေးက ချိုအီတာကို လျော့ချပေးပီး အမူးမော်လည်း ပြေစေပါသေးတယ်။

ကြံရည်က ခဏတိုင်းမသောက်ဖြစ်ပါဘူး။ ဒီနေ့ကြံရည်အကြောင်းရေးမယ်ဆိုခါမှ ကြံရည်က ကျန်းမာရေးအတွက် မကောင်းဘူးဆိုပီး YouTube channelကနေကြည့်လိုက်ရတယ်။ ကြံရည်မှာ ဘက်တီ တီးယားပိုးမွှားတွေ အများကြီးပါတယ်တဲ့။ စင်္ကာပူနိုင်ငံမှာတောင် အစားစာကို စနစ်တကျ လုပ်တဲ့နိုင်ငံမှာတောင်စစ်ဆေးကြည့်လိုက်တာ ဘက်တီတီးယားပိုးအများကြီး ပါနေတာတွေ့ရတယ်လို့ videoမှာကြည့်လိုက်ရတယ်။ အထားသို မသန့်ရှင်း‌တာရယ် ကြံရယ်ကို ရေထဲမှာ စိမ်တဲ့တဲ့အတွက်ကြောင့်ပါတဲ့။ ပိုးမွှားတွေရဲ့သေးတွေ ပတ်ဝန်းကျင်က အမူန်တွေကြောင့် ဘက်တီတီးယာတွေက ကြံရည်ထဲမှာ ဝင်ရောက်သွားတာပါတဲ့။ ကြံရည်က စုပ်ယူမူ အားကောင်းပါတယ်တဲ့။ ပွဲလမ်းအလှူတွေမှာ ကျွေးကြတဲ့ ဟင်းတွေက ဆားလေးသွားရင်တောင် ကြံတစ်ချောင်းလောက်ထည့်ရင် ဆားတွေကို စုပ်ယူပေးပါတယ်တဲ့။

ဆိုင်ကတော့ ဘယ်ချိန်ကတည်းက ရေထဲ ထည့်ထားလဲ မသိဘူးနော်။ ကျွန်မတော့ ခါတိုင်းမသိလို့ ‌ကြံရည်သောက်ဖြစ်ပေမဲ့ ခုနောက်ပိုင်းတော့ ရှောင်ရမယ်။ အမှားလား အမှန်လားတော့ သေသေချာချာ မသိပေနဲ့ သေချာတာ တစ်ခုက ရေထဲမှာ စိမ်ထားတာတွေ့ခဲ့ရလို့ပါပဲ။ဘယ်ချိန်စိမ်ထားလဲ မသိတော့လေ။ အမှန်တိုင်းပြောရရင် ဒီ video မကြည့်ခင်ကတော့ ကြံရည်က အရသာ ရှိသလိုပဲ။ ခုတော့ နောက်တစ်ခါသောက်ဖို့ လန့်နေပီ။
ကြံချောင်းကို မီးဖုတ်ပီး ကြံရည်သောက်ရင် ချောင်းဆိုးပျောက်တယ်လို့တော့ကြားဖူးပါတယ်။ တစ်ခုမှတော့ မစားဖူးသေးပါဘူးလေ။
ကြံရည်သောက်တာလေး ရှောင်ပါအုံးမည်။