manyaman at malutung a biruyang okoy
Uli na ning malambat a pandemic keraklan kareng tawu menintun lang pwede dang agawa banta ela maynip at metung naku kareta. siguradu ku dakal kekatamu atin na agawa o kaya adiskubring bayu na pwede tamu gawan o kaya pagkabusihan. Aku malambat na ku rin magexperiment at susubuk nung nanu nanu tungkul keng pamag bake. Adwa na banwa maygit ang mika sikan ku lub na subukan ku ing pamag bake at akit yu naman kareng milabas kung post yan.
Ngeni buri ke pakit ing simpling linutu ku ali mu tungkul naman keng baking ang pwede ku ipakit kareng followers ku keni. Meg desisyun ku na isulat ke keng Kapampangan a salita ing post ayni uling ing biruyang okoy metung ya magparemind kaku keng dakal a memories kabang daragul ku. Ali neman mu exclusive kareng kabalen tamu ing lutung ayni kasi popular ya ing okoy buong bansa tamu. Feeling ku me kasi malapit ya keng pusu ku reng pamangan lokal at mas masanting nung local dialect ya ing gamitan ku. Metung yarin ini paralan para pakit ku ing pamagpaulaga ku keng kulturang kapampangan .
Areni deng pilang letratu para ipakit ku anyang lulut ke ing okoy
Syempre adjaran me pa ing kapaya bilang main sangkap. Nung agawa meng mas pino ing hibla mas Ok banta malagwa ya ilutu at mas malutung ya. Dapat kasi crunchy ya ing okoy para mas aenjoy me langutan.
Dinan me arina ampo ebun para eya misalbag pache pipiritu mu ne. Ika ng bala nung nanu pampalasa ing buri mu ilage. Asin, paminta, nung buri me lalasa bawang ampo maparas ika ng bala maglage kareta.
Bayang manyaman akakit dinan me kule ing okoy. Pwede ka gumamit aswiti or nung nanu atin kang available na pangule. Lupa ya kasing misdan nung maputla ya or ala yang kule kalupa keni orange ya ing gewa ku.
Kaybat mong gewa deng patties piritu muna la. Emo pakakapal lalu na nung mababo or malati yamu ing pipamiritwan. Sikan me ing api banta malutung la at ayiwasan ing sumipsip lang dakal a taba.
Anguan mula at ilage keng cooling rack or igu banta tumulu ing taba. Dininan ko palang paro banta atin dagdag a lasa. Ing manyaman a tiltilan , maparas a aslam. Yum.
Keep discovering. Satisfy your curiosity and never get tired learning new things
